هــــه‌واڵ كــوردى
پێشمه‌رگه‌: ريككه‌فتن له‌باره‌ى گله‌وخواردن هيزه‌يلمان نيه‌ ئه‌را ناوچه‌يل ده‌يشت ئداره‌ى هه‌رێم

پێشمه‌رگه‌: ريككه‌فتن له‌باره‌ى گله‌وخواردن هيزه‌يلمان نيه‌ ئه‌را ناوچه‌يل ده‌يشت ئداره‌ى هه‌رێم


شه‌فه‌ق نيوز/ جه‌بار ياوه‌ر ئه‌ميندار گشتى وه‌زاره‌ت پێشمه‌رگه‌ له‌ حكومه‌ت هه‌رێم كوردستان، وجوود هه‌ر ريككه‌فتنيگ يا دانيشتن وگفتوگوويگ فه‌رمى له‌ناونى وه‌زاره‌ته‌گه‌و وه‌زاره‌ت وه‌رگرى عراقى نيه‌ له‌باره‌ى گله‌وخواردن هيزه‌يل پێشمه‌رگه‌ ئه‌را ناوچه‌يل ده‌يشت ئداره‌ى هه‌رێم كوردستان ك وه‌ ناوچه‌يل كيشه‌له‌سه‌ر ناوبريه‌ێد.

 

ياوه‌ر له‌ به‌ياننامه‌يگ ك شه‌فه‌ق نيوز ئاگادارێ بوێ وت: وه‌زاره‌ت پێشمه‌رگه‌و وه‌زاره‌ت وه‌رگرێ عراقى ره‌سينه‌سه‌ باوه‌ڕێگ ك خاسترين شيواز ئه‌را له‌ناوبردن داعش و جموجويله‌يلێ له‌ ناوچه‌يل دياله‌و سه‌ڵاحه‌دين و كه‌ركوك و مه‌خمور و موسڵ وه‌ وه‌رده‌وامى كاره‌يل هاوبه‌ش سه‌ربازێ و ئه‌منى ناونى هيزه‌يل پێشمه‌رگه‌و هيزه‌يل ئه‌منيى عراقى ئه‌دێ.

 

به‌ياننامه‌گه‌ يه‌يش ده‌رخست ك ئوميد ئه‌وه‌يش ئه‌كريه‌ێد دانيشتن و گفتوگووه‌يل دوير و دريژ و فه‌رمى ئه‌نجام بگرێد له‌باره‌ى ميكانيزم گونجياگ ئه‌را ئه‌و مه‌سه‌له‌و باس له‌وه‌يش كرد ك هه‌ر هه‌واڵيگ زياى له‌ چوارچێوه‌ى ئى به‌ياننامه‌ بڵاوه‌و بكريه‌ێد دويره‌ له‌ڕاسى.