هــــه‌واڵ كــوردى
مه‌لا به‌ختيار وه‌خته‌گه‌ ئه‌را كاراكردن په‌رله‌مان كوردستان وه‌ گونجياگ زانێد

مه‌لا به‌ختيار وه‌خته‌گه‌ ئه‌را كاراكردن په‌رله‌مان كوردستان وه‌ گونجياگ زانێد


شه‌فه‌ق نيوز/ مه‌لا به‌ختيار وه‌رپرس ده‌سه‌ێ كارگێڕێ يه‌كێـى نيشتمانى كوردستان، جه‌خت له‌وه‌ كرد ك له‌ دانيشتن لايه‌نه‌يل كوردستانى جه‌خت له‌بان خواست كاراكردن په‌رله‌مان كوردستان كردگه‌.

 

به‌ختيار له‌ لاپه‌ڕه‌ێ تايبه‌ت خوه‌ێ له‌بان ماڵپه‌ڕ كۆمه‌ڵايه‌تى توێته‌ر، نويساگه‌: له‌و دانيشتنه‌ ك رووژ په‌نجشه‌ممه‌ ئه‌نجامم درياو هه‌ردوگ جيگر ئه‌ميندار گشتى يه‌كێتى نيشتمانى كوردستانى وه‌ل قوباد تاڵه‌بانى جيگر سه‌رۆك حكومه‌ت له‌تى ئاماده‌ بوين باس له‌و سه‌ردانه‌ كريا ك شاند حكومه‌ت ئه‌نجامى دا ئه‌را روسياو ئمزاێ ريككه‌فتنه‌ نه‌فتيه‌گه‌ كرد.

 

به‌ختيار يه‌يش ده‌رخست له‌و دانيشتنه‌ داواێ ده‌ركردن به‌ياننامه‌يگيش كرياگه‌ وه‌خاتر ئاشكراكردن فيشتر هه‌ڵويست يه‌كێتى نيشتمانى له‌ دانيشتنه‌گه‌ێ سه‌رى ره‌ش، يه‌يش له‌ ئشاره‌تيگ ئه‌را دانيشتن مه‌سعود بارزانى سه‌رۆك هه‌رێم وه‌ل لايه‌نه‌يل كوردستانى و ئاماژه‌ وه‌يه‌يش كرد ك هه‌ڵويست حزبه‌گه‌ێ له‌و دانيشتنه‌ تاراده‌يگ ناديار بويه‌.

 

جى باسه‌، به‌ختيار يه‌يش باسكرد ك ئاشكراى كردنه‌ هه‌ڵويست حزبه‌گه‌ێ جه‌خت له‌بان خواست كاراكردن په‌رله‌مان كوردستان كردگه‌و يه‌يش خسته‌ وه‌رچه‌و گ دوياخريش وه‌ پارت ديموكرات كوردستان باس له‌ نه‌خشه‌ڕێ تايبه‌ت وه‌ يه‌كێتى نيشتمانى كردنه‌ له‌ى باوه‌ته‌و له‌ نزيكترين ده‌رفه‌تيگ.