هــــه‌واڵ كــوردى
يه‌كێتى نيشتمانى ليست هاوبه‌ش كوردستانى وه‌ خواست تاريف كرد

يه‌كێتى نيشتمانى ليست هاوبه‌ش كوردستانى وه‌ خواست تاريف كرد


شه‌فه‌ق نيوز/ هه‌ردوگ سه‌ركرده‌ له‌ يه‌كێتى نيشتمانى كوردستان هيرۆ ئبراهيم ئه‌حمه‌د و مه‌لا به‌ختيار له‌ شار سلێمانى چه‌ويان كه‌فته‌ دوگلاس سيليمان باڵوێز ئه‌مريكى له‌ عراق و باس له‌ بار سياسى و ئاسايشى له‌ عراق و هه‌رێم و هه‌ڵوژاردنه‌يل ئاينده‌ كردن.

 

له‌ى باوه‌ته‌و، يه‌كێتى نيشتمانى له‌ به‌ياننامه‌يگ وت: له‌و ديداره‌ باڵوێز ئه‌مريكى رووشنايى خسته‌سه‌بان هه‌ڵويست وڵاته‌گه‌ێ ئه‌را چاره‌سه‌ر كيشه‌يل ناونى هه‌ولێر و به‌غداو له‌ هه‌مان وه‌خت هه‌ڵوژاردنه‌يل ئاينده‌يش وه‌ گرينگ باسكردگه‌‌.

 

له‌لايه‌ن خوه‌ييشه‌و مه‌لا به‌ختيار باس له‌ روێداگه‌يل بار سياسى له‌ هه‌رێم و عراق كرد وه‌ل ڕيه‌يل چاره‌سه‌ر ئه‌را كيشه‌يل و مه‌سه‌له‌ێ هه‌ڵوژاردنه‌يل ئاينده‌و وه‌رپرسيارێتى هيزه‌يل كوردستانى و چوينێتى به‌شدارى له‌ پرووسه‌ێ هه‌ڵوژاردنه‌يل و له‌ هه‌مان وه‌خت هه‌ڵويست يه‌كێتى نيشتمانييش دةرخست له‌وه‌ر خواست دامه‌زرانن ليستيگ هاوبه‌ش ئه‌را گشت حزبه‌يل كوردستانى له‌ هه‌ڵوژاردنه‌يل ئاينده‌.