هــــه‌واڵ عــیراق
داعش نياز په‌لامارداين "شار ياخێ" دير‌ێد له‌ خوه‌رئاواێ عراق

داعش نياز په‌لامارداين "شار ياخێ" دير‌ێد له‌ خوه‌رئاواێ عراق


شه‌فه‌ق نيوز/ سه‌رچه‌وه‌يگ سه‌ربازێ عراقى ئاشكراى ئه‌وه‌ كرد ك ريكخرياگ ترۆريستى داعش وه‌ نيازه‌ په‌لامار قه‌زاێ حه‌ديسه‌ بيه‌ێد ك وه‌ دويرێ 160 كم كه‌فته‌سه‌ خوه‌رئاواێ به‌غدا.

 

سه‌رچه‌وه‌گه‌ وت: وه‌ گووره‌ێ زانياريه‌يل سه‌ربازێ ئه‌وه‌ ده‌ركه‌فتگه‌ ك ريكخرياگ داعش نياز په‌لامارداين قه‌زاێ حه‌ديسه‌ ديرێد ك هيزه‌يل عراقى و چه‌كداره‌يل سه‌ر وه‌ هووزه‌يل له‌تى جيگيرن.

 

جى باسه‌، هه‌مان سه‌رچه‌وه‌ باس له‌وه‌يش كرد ك ريكخرياگ داعش له‌وه‌ر ئى په‌لاماره‌ سه‌ياره‌يل مينڕيژكرياێ و كه‌تيبه‌يگ له‌ خوه‌يكوشه‌يل ئاماده‌ كردگه‌ له‌وه‌ر شكانن ديواره‌يل ئه‌و شاره‌ ك هيمان نه‌ڕمياگه‌ له‌ وه‌ختيگه‌و داعش زاڵ بويه‌سه‌ بان شماره‌يگ له‌ شاره‌يل عراقى له‌ ناوچه‌ێ خوه‌رئاواێ له‌ عراق.