هــــه‌واڵ عــیراق
ئيران نهێنى نيشتنه‌وه‌ى ته‌ياره‌ ئه‌مريكيه‌گه‌ له‌ موسڵ ئاشكرا كرد

ئيران نهێنى نيشتنه‌وه‌ى ته‌ياره‌ ئه‌مريكيه‌گه‌ له‌ موسڵ ئاشكرا كرد


شه‌فه‌ق نيوز/ حسێن ئه‌مير عه‌بدئيلاهيان ده‌سميه‌تده‌ر تايبه‌ت سه‌رۆك په‌رله‌مان ئيرانى له‌ كاروبار ده‌وڵه‌ت، جه‌خت له‌وه‌ كرد ك هيمان مه‌ترسى داهش هه‌ڕه‌شه‌ له‌ عراق و سوريا و ناوچه‌گه‌ ئه‌كا.

 

عه‌بدئيلاهيان له‌ جواو پرسياريگ له‌باره‌ى واين داعش له‌ عراق و سوريا، وت: سقان داعش له‌ عراق و سوريا ويران بوێ، وه‌لێ ئايا هه‌ڕه‌شه‌يلى وه‌ته‌مامى له‌ناو بريانه‌ و ئايا چه‌كداره‌يلێ وه‌ ته‌مامى له‌ چالاكێ كه‌فتنه‌؟ وه‌باوه‌ڕم مه‌ترسى داعش و تيرۆر ته‌كفيرى هيمان هه‌ڕه‌شه‌ له‌ سوريا و عراق و ناوچه‌گه‌ ئه‌كا.

 

جى باسه‌، ئه‌و وه‌رپرس ئيرانيه‌ هه‌ميش وت: ته‌ياره‌يگ ئه‌مريكى له‌ جوور سى – 130 له‌ ته‌ياره‌خانه‌ى موسڵ نيشته‌و له‌وه‌ختيگ ك داعش ده‌سڵات داشت له‌بان شاره‌گه‌ ك جه‌نراڵه‌يل ئه‌مريكى و كه‌ره‌سه‌يل سه‌ربازى جيواز كردياد و دانيشتن وه‌ل سه‌ركرده‌يل چه‌كدار ئه‌نجام دان ئه‌را ماوه‌ى 3 سه‌عات و 23 ده‌قه‌.