هــــه‌واڵ عــیراق
رافده‌ين شوون ئه‌را سلفه‌ى كارمه‌نده‌يل ديارێ كرد

رافده‌ين شوون ئه‌را سلفه‌ى كارمه‌نده‌يل ديارێ كرد


شه‌فه‌ق نيوز/ بانك رافده‌ين، ئاشكراى ئه‌وه‌ كرد داين سلفه‌ وه‌ كارمه‌نده‌يل ده‌وڵه‌ت له‌وانه‌گ مووچه‌يليان جيگير كرياگه‌ له‌لاى بانكه‌گه‌، له‌ڕێ لقه‌يل تايبه‌تكرياێ له‌ به‌غداو پاريزگايه‌يل ئه‌دێ.

 

نويسينگه‌ى ره‌سانن بانكه‌گه‌ له‌ به‌ياننامه‌يگ ئه‌را شه‌فه‌ق نيوز وت: لايه‌نه‌يليگ هه‌ن له‌يوا باس ئه‌كه‌ن ته‌رويج معامله‌ ئه‌كه‌ن ئه‌را داين سلفه‌ وه‌ كارمه‌نده‌يل و خانه‌نشينه‌يل وه‌رانوه‌ر وه‌رگرتن پڕيگ پويل.

 

يه‌يش ئاماژه‌يگه‌ ئه‌را ئه‌وه‌گ ته‌نيا لايه‌نيگ ك سڵا وه‌پى درياگه‌ له‌ى باوه‌ته‌و، لقه‌يل بانكه‌گه‌ن وه‌ته‌نياو بايه‌سه‌ له‌بان كارمه‌نده‌يل و خانه‌نشينه‌يل سه‌ردان ئه‌و لقه‌يله‌ بكه‌ن له‌وه‌ر پيشكه‌شكردن داواكارى ئه‌را وه‌رگرتن سلفه‌.