هــــه‌واڵ جیــهانى
ئه‌مريكا جواو هه‌ڕه‌شه‌ێ ئيران داره‌و له‌باره‌ى هه‌نارده‌ى نه‌فت

ئه‌مريكا جواو هه‌ڕه‌شه‌ێ ئيران داره‌و له‌باره‌ى هه‌نارده‌ى نه‌فت


شه‌فه‌ق نيوز/ قسه‌كه‌ر وه‌ناو سه‌ركردايه‌تى ناوه‌ندى هيزه‌يل ئه‌مريكى جواو لێدوانه‌يل حه‌سه‌ن روحانى سه‌رۆك ئيرانى داره‌و ك له‌تى هه‌ڕه‌شه‌ له‌ قه‌يه‌كردن هه‌نارده‌ى نه‌فت ده‌وڵه‌ته‌يل ناوچه‌گه‌ كرد و له‌يوا له‌يه‌كه‌و دريا ك هه‌ڕه‌شه‌ش وه‌ به‌سانن ته‌نگه‌وه‌رى هورمز.

 

وه‌ گووره‌ى ئاژانس "ئه‌سوشێتد پرێس" ئه‌وه‌ ده‌ركه‌فت ك بيل ئه‌ربن وتگه‌: هيزه‌يل ئه‌مريكى و هاوپه‌يمانه‌يل هه‌رێماتيى ئاماده‌ن ئه‌را زه‌مانه‌تكردن ئازادى جموجويل و ئه‌نجامداين بازرگانى ئازاد وه‌گووره‌ى لێدوانه‌يل ياساى ناوده‌وڵه‌تى.

 

يه‌يش له‌وه‌ختيگ حه‌سه‌ن روحانى سه‌رۆك ئيرانى له‌ لێدوانه‌يلى له‌وه‌خت سه‌ردانه‌گه‌ى ئه‌را سويسرا هه‌ڕه‌شه‌ى نواگيرى له‌ هه‌نارده‌ى نه‌فت له‌ ده‌وڵه‌ته‌يل هاوساوه‌ كرد له‌ حاڵه‌تيگ ئه‌گه‌ر ده‌وڵه‌ته‌يل جواو داواكارێ وڵاته‌يل يه‌كگرتگ بيه‌نه‌و له‌ نه‌سه‌ندن نه‌فت ئيران.