هــــه‌واڵ عــیراق
شماره‌يگ چالاكوان له‌ به‌سره‌ گيريانه‌و هيزه‌يل ئه‌منى مه‌رج ئه‌را ئازادكردنيان ديرن

شماره‌يگ چالاكوان له‌ به‌سره‌ گيريانه‌و هيزه‌يل ئه‌منى مه‌رج ئه‌را ئازادكردنيان ديرن


شه‌فه‌ق نيوز/ هيزه‌يل جواودانه‌وه‌ى گورج عراقى، نزيكه‌ى 28 چالاكوان له‌ رێپێوانيگ ده‌سگير كردنه‌ له‌ پاريزگاى به‌سره‌و هاوڕيه‌يليانيش داوا له‌ حكومه‌ت ناوچه‌يى و سه‌ركردايه‌تيه‌يل ئه‌منى كردنه‌ هه‌ڵويستيان له‌ روێداگه‌يل ديارێ بكه‌ن.

 

له‌ى باوه‌ته‌و، خوه‌ينيشانده‌ريگ ك نه‌تواس ناوێ ئاشكرا بدێ، ئه‌را رووژنامه‌ى حه‌يات وت: هيزه‌يل ئه‌منى زياتر له‌ 25 چالاكوان ده‌سگير كردنه‌ دوياى ئه‌وه‌گ له‌ مه‌يدان عه‌روسه‌ ده‌سكريا خوه‌ينيشانداين و له‌تى خوه‌ينيشانده‌ره‌يل گوڵ و شه‌م وه‌ده‌سيانه‌و بويه‌.

 

خوه‌ينيشانده‌ره‌گه‌ وت: وه‌رپرسه‌يل ئه‌منى داوا له‌ هاوڕيه‌يل ئه‌و چالاكوانه‌يله‌ كردنه‌ ك چالاكوانه‌يل ئازاد ئه‌كريه‌ن، وه‌لێ وه‌و مه‌رجه‌ جاريگتر خوه‌ينيشانداينه‌يل گرژه‌و نه‌كه‌ن ئه‌را حاڵه‌تيگ نائاشتيانه‌و ده‌سدريژى نه‌كه‌نه‌ بان دام و ده‌زگاو باڵه‌خانه‌يل و جاده‌يل.