هــــه‌واڵ عــیراق
هاشمى وه‌ بوونه‌ى قوربانيه‌يل زه‌ويه‌له‌رزه‌ تاريف توركيا كرد و ره‌خنه‌ له‌ عبادى گرت

هاشمى وه‌ بوونه‌ى قوربانيه‌يل زه‌ويه‌له‌رزه‌ تاريف توركيا كرد و ره‌خنه‌ له‌ عبادى گرت


شه‌فه‌ق نيوز/ تارق هاشمى جيگر سه‌رۆك كۆمار عراقى تاريف رۆڵ توركيا كرد له‌ كلكردن ده‌سميه‌ت ئه‌را قوربانيه‌يل زه‌ويه‌له‌رزه‌ ك پيره‌كه‌ له‌ عراق روێداو له‌ هه‌مان وه‌خت هه‌ر له‌ى باوه‌ته‌و ره‌خنه‌ له‌ كه‌مته‌رخه‌مى حكومه‌ت عبادى گرت.

 

هاشمى له‌ بڵاوكرياگيگ له لاپه‌ڕه‌ى خوه‌ى له‌بان ماڵپه‌ڕ په‌يوه‌ندى كۆمه‌ڵايه‌تى فه‌يسبوك ك(شه‌فه‌ق نيوز)ئاگادارى بوى، وت: وه‌ بوونه‌ى زه‌ويه‌له‌رزه‌ ك هاته‌ تويش بريگ ناوچه‌ له‌ سلێمانى زه‌ره‌ده‌يل ماددى و گيانى له‌لى كه‌فته‌و ك بارودوخ ئنسانى فريه‌ ئحراج بوى و توركيايش جوور هه‌رجار جموجويل دا خوه‌ى وه‌ ئحساس به‌رزيگ و وه‌رپرسيارێتى هاوساييه‌وه‌و ده‌س يارمه‌تى دريژ كرد و هاته‌ ته‌نگ مه‌سه‌له‌گه‌و سوپاس ئه‌را توركيا.

 

هاشمى وت: ئه‌ڵڵاجه‌وى ها له‌ورا ك حكومه‌ت عبادى كارى ته‌نيا نوڕستنه‌و هويچ جموجويليگ ناكا ئه‌را كه‌مه‌وكردن مه‌ينه‌تى شه‌ريكه‌يل له‌ نيشتمان و هه‌ڵويستى مايه‌ى شه‌رمه‌زاريه‌و نه‌بايه‌د كاره‌يليگ تيكه‌ڵ بكا له‌ناونى هه‌ڵويست ئنسانى و ئه‌خلاقى و ناكووكى سياسى.

 

جى باسه‌، هاشمى وت: بايه‌س بوى حكومه‌ت عراقى ره‌فتار خاس بكردياد و ئه‌و ده‌رفه‌ته‌ له‌ده‌س نياتاد و جموجويل بياتاده‌ قافڵه‌يل وه‌هاناڕه‌سين هه‌ڵه‌په‌ڵه‌ وه‌ گشت كه‌ره‌ميگ وه‌خاتر رازيكردن دڵ برايه‌يل كوردمان و هاوردنه‌وه‌ى شيرازه‌ى شيوياگ نيشتمانى.