هــــه‌واڵ عــیراق
عراق و سوريا كه‌فتنه‌ ژير خه‌ته‌ر فۆسفۆر چه‌رمگ ئه‌مريكى

عراق و سوريا كه‌فتنه‌ ژير خه‌ته‌ر فۆسفۆر چه‌رمگ ئه‌مريكى


شه‌فه‌ق نيوز/ ريكخرياگ "هيومن رايتس ووتش" ئه‌را مافه‌يل ئاده‌ميزاد، جه‌خت له‌وه‌ كرد ك هاوپه‌يمان ناوده‌وڵه‌تى وه‌ سه‌ركردايه‌تى واشنتۆن فۆسفۆر چه‌رمگ وه‌كار هاوردگه‌ له‌ عراق و سوريا، ك وه‌و خاتريشه‌ داوا له‌ هيزه‌يل هاوپه‌يمان كرد كاريگ ئه‌نجام بيه‌ێد زه‌ره‌د ئه‌و فسفۆره‌ له‌بان مه‌ده‌نيه‌يل كه‌مه‌و بكا.

 

ئه‌و ريكخرياگه‌ له‌ به‌ياننامه‌يگ وت: وه‌كارهاوردن فۆسفۆر چه‌رمگ له‌ڕێ په‌لاماره‌يل مه‌دفه‌عێ له‌لايه‌ن هيزه‌يل هاوپه‌يمان وه‌ سه‌رۆكايه‌تى وڵاته‌يل يه‌كگرتگ پرسياره‌يل فريه‌يگ له‌لى ئه‌كه‌فێده‌و له‌باره‌ى مقه‌يه‌تيكردن مه‌ده‌نيه‌يل و جه‌ختيش له‌بان وه‌كار ناوردن ئى زه‌خيره‌ جياجيا كرد جوور چه‌ك سزنه‌ر ئه‌را په‌لامارداين مه‌ردم و كه‌ره‌سه‌يل له‌ ناوچه‌يل جه‌نگ.

 

جى باسه‌، ستيف غوس وه‌ڕيه‌وبه‌ر به‌ش چه‌ك له‌ ريكخرياگ ناوبرياگ، باس كرد و وت: بيجگه‌ چوينێتى وه‌كارهاوردن ئى فسفۆر چه‌رمگه‌، وه‌ل ئه‌وه‌يشا زه‌ره‌ديگ ترسناك و دريژماوه‌يش ديرێد له‌ شاره‌يليگ جوور ڕقه‌ و موسڵ يا هه‌ر ناوچه‌يگ تر مه‌ردمى.