هــــه‌واڵ كــوردى
بارزانى ئه‌را ده‌وڵه‌ته‌يل عه‌ره‌بى: دوياخستن راپرسێ وه‌ده‌س من نيه‌

بارزانى ئه‌را ده‌وڵه‌ته‌يل عه‌ره‌بى: دوياخستن راپرسێ وه‌ده‌س من نيه‌


شه‌فه‌ق نيوز/ ئه‌حمه‌د ئه‌بولغه‌يز ئه‌ميندار گشتى كۆمكار عه‌ره‌بى داوا له‌ مه‌سعود بارزانى سه‌رۆك هه‌رێم كوردستان كرد ئه‌نجامداين راپرسێ دويا بخه‌ێد و گفتگوو وه‌ل به‌غدا ئه‌نجام بدريه‌ێد وه‌ چه‌ودێرێ ناوده‌وڵه‌تى.

 

له‌ى باوه‌ته‌و، سه‌رۆكايه‌تى هه‌رێم كوردستان له‌ به‌ياننامه‌يگ وت: بارزانى ئاشكراێ ئه‌را ئه‌بولغه‌يز كردگه‌ و وتگه‌ مه‌سه‌له‌ێ راپرسێ بڕيار ته‌نيا كه‌سيگ نيه‌ تا دويا بخريه‌ێد وه‌ ئاسانى، به‌ڵكوو بڕيار مللت و هيزه‌يل سياسى كوردستانيه‌.

 

جى باسه‌، به‌ياننامه‌گه‌ هه‌ميش وت: ئه‌زموون شكه‌ست له‌ قوناغه‌يل جياجياو جيوه‌جى نه‌كردن شه‌راكه‌ت و ده‌ستوور و ريككه‌فتنه‌يل هووكار بوينه‌ له‌ نه‌مه‌ندن متمانه‌ له‌ ناونى هه‌رێم كوردستان و عراق و ئاماژه‌ وه‌يه‌يش كرد ك راپرسێ له‌ وه‌خت دياريكرياگ خوه‌ى ئه‌نجام ئه‌گرێد.