هــــه‌واڵ كــوردى
بارزانى چه‌وێ كه‌فته‌ فراكسيۆنه‌يل سنى له‌ 30 كورسى

بارزانى چه‌وێ كه‌فته‌ فراكسيۆنه‌يل سنى له‌ 30 كورسى


شه‌فه‌ق نيوز/ شاند هاوپه‌يمان هيزه‌يل نيشتمانى وه‌ سه‌رۆكايه‌تى ئه‌حمه‌د عه‌بدوڵڵا عه‌بد جبورى وه‌ل مه‌سعود بارزانى سه‌ركرده‌ى پارت ديموكرات كوردستان له‌ هه‌ولێر باس له‌ گرنگترين باوه‌ته‌يل سياسى و دويا روێداگه‌يل كردن.

 

جبورى له‌ به‌ياننامه‌يگ ئه‌را شه‌فه‌ق نيوز وت: ئه‌و ديداره‌ له‌وه‌ر باسكردن گرنگترين باوه‌ته‌يل تايبه‌ت وه‌ لايه‌ن سياسى و هاوپه‌يمانيه‌يل نيشتمانى ئه‌نجام درياگه‌ ك ئامانج له‌لى په‌له‌كردنه‌ له‌ دامه‌زرانن حكومه‌تيگ وه‌هيز ك گشت لايه‌نه‌يل به‌شدار له‌ پرووسه‌ى سياسى بگرێده‌ خوه‌ێ له‌ڕێ خاسه‌وكردن هه‌ڵكه‌فت خزمه‌تگوزاريه‌يل و مقه‌يه‌تيكردن له‌ يه‌كێتى وڵات و په‌ره‌داين وه‌ سيستم ئاسايشى و به‌شداريكردن له‌ لاوردن مه‌ينه‌تى له‌بان هاووڵاتيه‌يل عراقى.

 

لاى خوه‌يه‌وه‌، عه‌لى سه‌جرى سه‌رۆك ليژنه‌ى گردبوينه‌وه‌ له‌ فراكسيۆن هاوپه‌يمانى هيزه‌يل نيشتمانى وت: هه‌وڵ دامه‌زرانن حكومه‌تيگ ئه‌يه‌يم نوێنه‌ره‌يل گشت پيكهاته‌يل عراقى له‌ كورد و عه‌ره‌ب و توركمان و كه‌مينه‌يل تر له‌گشت چينه‌يل عراقى بگرێده‌ خوه‌ى دوياى سه‌ركه‌فتنمان له‌ دامه‌زرانن يه‌كه‌م فراكسيۆن نوێنه‌رايه‌تى ك زياتر له‌ 30 ئه‌ندام و سياسى له‌خوه‌ێ ئه‌گرێد و ئامانج سه‌ره‌كيمان دژايه‌تى گه‌نده‌ڵ و گه‌نده‌ڵكاريه‌.