هــــه‌واڵ جیــهانى
په‌لامارده‌ره‌گه‌ى ئۆرلى له‌ فره‌نسا ئاشكرا كريا

په‌لامارده‌ره‌گه‌ى ئۆرلى له‌ فره‌نسا ئاشكرا كريا


شه‌فه‌ق نيوز/ وێنه‌يل گيرياگيگ له‌ كاميراى چه‌وديرى له‌ ته‌ياره‌خانه‌ى ئۆرلى له‌ پاريس ته‌رم ئه‌و ترۆريسته‌ ده‌رخست ك هه‌وڵ جيوه‌جيكردن په‌لاماريگ دا له‌ ته‌ياره‌خانه‌گه‌و جه‌خت له‌وه‌ كرد ك زياد بن بلقاسم كوشياگه‌ دوياى شكه‌ست په‌لاماره‌گه‌ى له‌لايه‌ن هيزه‌يل فره‌نسيه‌و.

 

راپۆرته‌يل ره‌سانن فره‌نسى باس له‌وه‌ كردن ك ئه‌و په‌لامارده‌ره‌ له‌ ته‌ياره‌خانه‌ى ئۆرلى وته‌سه‌ سه‌ربازه‌يل چه‌كه‌يلدان فڕه‌ بيه‌ن من له‌يرا ئه‌خوازم له‌ڕى خودا بمرم و له‌يرا كوشياگ ئه‌كه‌فێده‌و، ك وه‌و خاتريشه‌ جانتاگه‌ى پشتى فڕه‌ داگه‌و ده‌به‌يگ به‌نزين له‌تى بويه‌و سه‌ربازه‌يليش ته‌قه‌ له‌لى كردنه‌.

 

جى باسه‌، زويتريش وه‌رپرسيگ فره‌نسى ئاگادار له‌ مه‌سه‌له‌گه‌ جه‌خت له‌بان راپۆرته‌يل ره‌سانن فره‌نسى كرد وه‌ ئه‌وه‌گ ئه‌و په‌لامارده‌ره‌ ناسينه‌و له‌ ساڵ 1978 له‌ فره‌نسا هاته‌سه‌ دونيا.