هــــه‌واڵ كــوردى
كوردستان: به‌غدا پايه‌نده وه‌ داين 70% بودجه‌مان

كوردستان: به‌غدا پايه‌نده وه‌ داين 70% بودجه‌مان


شه‌فه‌ق نيوز/ عزه‌ت سابير سه‌رۆك ليژنه‌ى دارايى له‌ په‌رله‌مان هه‌رێم كوردستان، وت: به‌غدا پابه‌نده‌ وه‌ داين 70% له به‌ش هه‌رێم له‌ بودجه‌ى ناوه‌ندى له‌ حاڵه‌تيگ ئه‌گه‌ر نه‌ڕه‌سێده‌ ريككه‌فتنيگ وه‌ل هه‌ولێر له‌باره‌ى هه‌نارده‌ى نه‌فت.

 

سابير له‌ وته‌يگى له‌ سيمناريگ له‌ زانۆكى سه‌ڵاحه‌دين له‌ هه‌ولێر وت: ئه‌گه‌ر به‌غداو هه‌ولێر ريكنه‌كه‌فتن له‌بان مه‌سه‌له‌ى هه‌نارده‌كردن نه‌فت له‌ كوردستان، ئه‌وه‌ حكومه‌ت عراقى پابه‌نده‌ وه‌ داين 70% له‌ به‌ش هه‌رێم له‌ بودجه‌ى ناوه‌ندى.

 

جى باسه‌، له‌لايه‌ن خوه‌ييشه‌و، فازڵ نه‌بى بريكار وه‌رين وه‌زاره‌ت دارايى له‌ حكومه‌ت عراقى، پيشنيار وه‌يه‌كاكردن و كه‌مه‌وكردن شماره‌ى وزاره‌ته‌يل و ده‌زگايه‌يل حكومى كرد وه‌ل كه‌مه‌وكردن شماره‌ى كارمه‌نده‌يل كاركه‌ر له‌ كه‌رت گشتى له‌ هه‌رێم كوردستان له‌وه‌ر قوتاربوين حكومه‌ت هه‌رێم له‌ كيشه‌يل دارايى و ئابوورى.