هــــه‌واڵ عــیراق
حزبه‌يل كوردستانى له‌ كه‌ركوك دو داواكارى ئاراسته‌ى حكومه‌ت عراقى كردن

حزبه‌يل كوردستانى له‌ كه‌ركوك دو داواكارى ئاراسته‌ى حكومه‌ت عراقى كردن


شه‌فه‌ق نيوز/ حزبه‌يل كوردستانى له‌ كه‌ركوك، داوا له‌ حكومه‌ت ناوه‌ندى كردن چه‌وديرێ هاوسه‌نگى بكا له‌ دابه‌شكردن بودجه‌(به‌ش هه‌رێمه‌يل و پاريزگايه‌يل) ك ته‌رخان كرياگه‌ ئه‌را پاريزگاگه‌ وه‌ل كووتاييهاوردن وه‌ وجوود سه‌ربازێ.

 

له‌ى باوه‌ته‌و، جه‌نگى عزه‌دين وه‌پرس له‌ يه‌كێتى نيشمانى كوردستان، وت: دانيشتنيگ له‌ناونى حزبه‌يل و لايه‌نه‌يل كوردتانى ئه‌نجام دايمنه‌ ئه‌را تاووتوێكردن بارودوخ كه‌ركوك و ئه‌و كيشه‌يله‌ ك ئه‌يه‌نه‌ تويشى و باس له‌وه‌يش كرد له‌و دانيشتنه‌ ريككه‌فتيمنه‌ له‌بان زينگه‌وكردن ساڵياد تاوانه‌يل ئه‌نفال له‌ پاريزگاگه‌.

 

عزه‌دين وت: بودجه‌ى گه‌ورايگ ره‌سيه‌سه‌ كه‌ركوك له‌ بودجه‌ى گشتى ناوه‌ندى و بايه‌سه‌ وه‌ خاسى مامڵه‌ وه‌ليا بكريه‌ێد وه‌تايبه‌ت ئه‌وه‌گ په‌يوه‌سه‌ وه‌ ته‌نميه‌ى هه‌رێمه‌يل وه‌ هاوسه‌نگى و بايه‌سه‌ گشت ناوچه‌يل كوردنشين له‌ پاريزگاگه‌ بگرێده‌و.

 

جى باسه‌، عزه‌دين هه‌ميش وت: حزب و لايه‌نه‌يل سياسى كوردستانى داواى نه‌هيشتن ياساشكنى ياسايى و ئه‌منييش ئه‌كه‌ن له‌ كه‌ركوك و داوايش ئه‌كه‌ن ياسايه‌يل حزب به‌عس لاوريه‌ێد ك دوباره‌ كار وه‌پيان كرد له‌ پاريزگاگه‌ وه‌ل كووتاييهاوردن وه‌ وجوود سه‌ربازى له‌ كه‌ركوك.