ئابوورى
هه‌نارده‌يل نه‌فت ئيرانى روێ له‌ داوه‌زين كرد

هه‌نارده‌يل نه‌فت ئيرانى روێ له‌ داوه‌زين كرد


شه‌فه‌ق نيوز/ وه‌گووره‌ى سه‌رچه‌وه‌يليگ له‌ كه‌رته‌يل نه‌فت ئه‌وه‌ ده‌ركه‌فت ك هه‌نادره‌يل نه‌فت خام ئيران وه‌ فريه‌يى روێ له‌ نزمبوينه‌وه‌ى كردگه‌ ئه‌را سێيه‌مين مانگه‌ له‌بان يه‌ك له‌وه‌ختيگ ك تويش سه‌ختى ئه‌ياد له‌ په‌ياكردن بسينه‌يل له‌ساى سزايه‌يل ئه‌مريكى ك هه‌رچه‌نى بسينه‌يليشى مووڵه‌ت جيا ديرن.

 

هه‌نارده‌يل نه‌فت ئيرانى داوه‌زيه‌ ئه‌را كه‌متر له‌ يه‌ك مليۆن به‌رميل رووژانه‌ له‌ ته‌شرين دويه‌م(نۆڤه‌مبه‌ر)گوزه‌يشته‌و، ئه‌ويش وه‌ به‌راورد وه‌ل فرووشته‌يل ئه‌وسا ك 2,5 مليۆن به‌رميل رووژانه‌ بوێ.

 

له‌ى باوه‌تيشه‌و بسينه‌يل نه‌فت ئيرانى باس له‌وه‌ كردن ك داوه‌زين هه‌نارده‌يل ئيرانى ك زه‌ره‌د فره‌يگيش وه‌ داهات ئه‌و وڵاته‌ ره‌سانگه‌، هووكاره‌گه‌ى نه‌وين ئاشكاريگ بويه‌ له‌باره‌ى ئه‌و بڕه‌ نه‌فته‌ ك رێ وه‌ سه‌ندنى ئه‌دريه‌ێد له‌ چوارچێوه‌ى سزايه‌يل ئه‌مريكى.