هــــه‌واڵ كــوردى
كاره‌باى سلێمانى زه‌ره‌ده‌يلى له‌ئاكام لافاوه‌گه‌ێ ئى دوياخره‌ ئاشكرا كرد

كاره‌باى سلێمانى زه‌ره‌ده‌يلى له‌ئاكام لافاوه‌گه‌ێ ئى دوياخره‌ ئاشكرا كرد


شه‌فه‌ق نيوز/ وه‌ريه‌وبه‌رايه‌تى كاره‌باى پاريزگاى سلێمانى، بڕ له‌و زه‌ره‌ده‌يله‌ ئاشكراى كرد ك هاته‌سه‌ تويش تێل و محوه‌له‌يل كاره‌بايى له‌ ئه‌نجام شه‌پۆليگ واران وارين و لافاو ئى دوياخره‌ له‌ پاريزگاگه‌.

 

وه‌ڕيه‌وبه‌رايه‌تيه‌گه‌ له‌ به‌ياننامه‌يگ ئه‌را شه‌فه‌ق نيوز وت: وه‌ بوونه‌ى شه‌پۆليگ له ‌لافاوه‌يل ك روێدا له‌ رووژه‌يل 25 و 26 له‌ مانگ ته‌شرين يه‌كه‌م ئى مانگه‌ له‌ شماره‌يگ له‌ ناوچه‌يل، 150 تێل كاره‌با كه‌فتنه‌و و بڕيگيش وه‌ل لافاوه‌و چينه‌و هويچ ئه‌سه‌ريگيان ديار نيه‌.

 

به‌ياننامه‌يگ وت: شماره‌يگ له‌ محوه‌له‌يل كاره‌بايش كه‌فتنه‌و خراو بوينه‌ له‌ ئاكام لافاوه‌يل و زه‌ره‌د ئه‌و لافاوه‌يليشه‌ وه‌ زياتر له‌ 100 مليۆن دينار مه‌زه‌نه‌ ئه‌كريه‌ێد تا دوباره‌ دابنريه‌ێد و خاسه‌و بكريه‌ن.