هــــه‌واڵ عــیراق
هه‌زار چه‌كدار له‌ عراقه‌و چينه‌سه‌ ده‌سميه‌ت داعش له‌ دێرئه‌لزوور و باديه‌

هه‌زار چه‌كدار له‌ عراقه‌و چينه‌سه‌ ده‌سميه‌ت داعش له‌ دێرئه‌لزوور و باديه‌


شه‌فه‌ق نيوز/ په‌لاماره‌يل ريكخرياگ ترۆريستى داعش له‌ باديه‌ى سوورى شۆك فريه‌يگ دروس كرد وه‌ گووره‌ى وه‌خت و شوونه‌يلێ له‌ژير فشار فريه‌يگ له‌گشت لايگه‌و ك ئه‌ياده‌ تويشيان.

 

له‌ى باوه‌تيشه‌و، چه‌ودير سوورى ئه‌را مافه‌يل ئاده‌ميزاد ئاشكراى هووكار به‌رپاكردن ئه‌و جه‌نگه‌يله‌ كرد ك له‌ى دوياخره‌ داعش ئه‌نجامى، ئه‌ويش له‌ ئاكام ره‌سين نزيكه‌ى هه‌زار سه‌ركرده‌و جه‌نگاوه‌ر بويه‌ له‌ عراقه‌و ئه‌را ناوچه‌يل ژير ده‌سڵات داعش له‌ دێرئه‌لزوور له‌ ره‌گه‌زه‌يل ئۆزبه‌كى و تاجيكى و ئازه‌رى و توركستانى.

 

چه‌ودير سوورى هه‌ميش وت: ئه‌و هه‌زار چه‌كداره‌ ته‌كه‌توليگ دروس كردنه‌ وه‌ناو ئه‌لقه‌راديش ك فه‌رمانده‌يى سه‌ربازى له‌ شار ئه‌لمه‌يادين و دێرئه‌لزوور وه‌رگرتنه‌و هويچ متمانه‌يگيش وه‌ عونسره‌يل سوورى و عه‌ره‌بى نه‌يرن.