هــــه‌واڵ كــوردى
گۆڕان سه‌رۆك ليسته‌گه‌ى ئه‌را هه‌ڵوژاردنه‌يل په‌رله‌مان كوردستان وه‌ په‌يوندييگ ته‌له‌فۆنى لاورد

گۆڕان سه‌رۆك ليسته‌گه‌ى ئه‌را هه‌ڵوژاردنه‌يل په‌رله‌مان كوردستان وه‌ په‌يوندييگ ته‌له‌فۆنى لاورد


شه‌فه‌ق نيوز/ عه‌بدوڵلا مه‌لا نورى سه‌رۆك وه‌رين ليست بزووتنه‌وه‌ى گۆڕان ئه‌را هه‌ڵوژاردنه‌يل په‌رله‌مان كوردستان ك بڕياره‌ له‌ كۆتايى مانگ ئه‌يلول ئاينده‌ ئه‌نجام بگرێد ئاشكراى لاوردنى كرد وه‌ په‌يوه‌ندييگ ته‌له‌فۆنى ك له‌لايه‌ن سه‌ركرده‌يگ له‌ بزووتنه‌گه‌وه‌ وه‌ليا ئه‌نجام درياوێد.

 

مه‌لا نورى له‌ به‌ياننامه‌يگ وت: ئه‌و ئاڵشتكاريه‌يله‌ دوياى ئه‌و په‌يوه‌ندى ته‌له‌فۆنيه‌ روێ داگه‌ ك وه‌ل ئاوات شێخ جه‌ناب سه‌ركرده‌ له‌ بزووتنه‌وه‌گه‌ ئه‌نجام گرت.

 

جى باسه‌، دويه‌كه‌ ئيواره‌يش شێخ جه‌ناب له‌ كه‌ناڵ ئاسمانى "KNN"  زووانحاڵ بزووتنه‌وه‌گه‌ ئاشكراى ئه‌وه‌ كرد ك سه‌رۆك ليست گۆڕان له‌رێ پرووسه‌يگ ديموكراسى هه‌ڵوژرياگه‌و هه‌ر وه‌و خاتريشه‌ مه‌لا نورى وت: ئى دوسيه‌ ئه‌را من ته‌مام بوێ و ئوميده‌وارم ناچارم نه‌كه‌ين ئه‌را دوباره‌ ئه‌نجامدانه‌وه‌ى.