هــــه‌واڵ كــوردى
بارزانى: كوردستان خوازياره‌ كيشه‌يلێ وه‌ل عراق له‌ڕێ دانيشتن و گفتگوو چاره‌سه‌ر بكا

بارزانى: كوردستان خوازياره‌ كيشه‌يلێ وه‌ل عراق له‌ڕێ دانيشتن و گفتگوو چاره‌سه‌ر بكا


شه‌فه‌ق نيوز/ نه‌يچێروان بارزانى سه‌رۆك وه‌زيره‌يل هه‌رێم كوردستان چه‌وێ كه‌فته‌ عومه‌ر ئه‌لكنده‌رێ باڵوێز گشتى ده‌وڵه‌ت كوه‌يت له‌ هه‌رێم و شانده‌ ياوه‌ره‌گه‌ێ.

 

سه‌رۆكايه‌تى وه‌زيره‌يل هه‌رێم له‌ به‌ياننامه‌يگ وت: ئه‌لكنده‌رێ خوه‌شاڵى خوه‌ى ئه‌را ديدارێ وه‌ل سه‌رۆك وه‌زيره‌يل هه‌رێم و جه‌خت له‌بان خواست بته‌وكردن په‌يوه‌نديه‌يل دولايه‌نه‌ێ ناونى هه‌ولێر و كوه‌يت كردگه‌و ئاماژه‌يش وه‌و پشتگيرێ و ‌ ده‌سميه‌ته‌يل ئنسانييشه‌ كردگه‌ ك ريكخرياگه‌يل ئنسانى كوه‌يتى پيشكه‌شيان وه‌ كووچبه‌ره‌يل و په‌نابه‌ره‌يل ئه‌كه‌ن له‌ هه‌رێم.

 

به‌ياننامه‌گه‌ باس له‌وه‌يش كرد ك باڵوێز كوه‌يتى هان پياوه‌يل كار و وه‌به‌رهاوه‌ره‌يل كوه‌يتى كردگه‌ ئه‌را كار و سه‌رمايه‌دارێ له‌ هه‌رێم و ئاگاداربوين له‌ بارودوخ گشتى له‌ كوردستان و جيوه‌جيكردن پرووژه‌يل له‌تى.

 

جى باسه‌، له‌لايه‌ن خوه‌ييشه‌و بارزانى سوپاسگوزارى له‌ سه‌ردانه‌گه‌ێ باڵوێز كوه‌يتى و سوپاسگوزارييش پيشكه‌ش كرده‌ ده‌وڵه‌ت كوه‌يت له‌وه‌ر پشتگيرى و ده‌سمه‌يته‌يل ئنسانى ك پيشكه‌شى وه‌ كووچبه‌ره‌يل كردگه‌و له‌ به‌شيگ تر ديداره‌گه‌يش بارزانى باس له‌وه‌يش كرد هه‌رێم كوردستان مه‌يل ئه‌وه‌ ديرێد له‌ڕێ دانيشتن و گفتگوو چاره‌سه‌ر گشت كيشه‌يلێ وه‌ل حكومه‌ت عراقى بكا.