هــــه‌واڵ كــوردى
په‌نج فەرمانگەی سەر وە حکومەت ناوه‌ندى لە هەڵەبجە واز ئه‌كريه‌ێد

په‌نج فەرمانگەی سەر وە حکومەت ناوه‌ندى لە هەڵەبجە واز ئه‌كريه‌ێد


شه‌فه‌ق نيوز/ عه‌لى عوسمان پاريزگاى هه‌ڵه‌بجه‌ ئه‌وه‌ ده‌رخست ك وه‌ل قاسم ئه‌عره‌جى وه‌زير ناوخوه‌يى عراقى باس له‌ وازكردن چه‌ن فه‌رمانگه‌يگ كردگه‌ له‌ پاريزگاگه‌.

 

عوسمان له‌ كۆنگره‌يگ رووژنامه‌گه‌رى ك شه‌فه‌ق نيوز ئاگادارێ بوى باس له‌وه‌ كرد ك دوياى ديدارى وه‌ل وه‌زير ناوخوه‌يى عراقى بڕيار درياگه‌ گشت ئه‌و فه‌رمانگه‌يله‌ ك له‌ پاريزگايه‌يل عراق هه‌نن له‌ هه‌ڵه‌بجه‌يش واز بكريه‌ن و يه‌يش ده‌رخست يه‌كيگ له‌و كتاوه‌يله‌ ك ته‌سليم وه‌ وه‌زير ناوخوه‌يى كرياگه‌، ده‌ركردن فه‌رمانيگ تايبه‌ت وه‌ تابلۆى سه‌ياره‌يل(هه‌ڵه‌بجه‌ - عراق)بويه‌ تا جيوه‌جى بكريه‌ێد و كار وه‌پى بكريه‌ێد.

 

جى باسه‌، عوسمان هه‌ميش وت: فه‌رمانگه‌يل ره‌گه‌زنامه‌، بار شارستانى، تابلۆى ئۆتۆمبێل، كارت زانيارى، ليواى پاسه‌وانى مه‌رز و نشينگه‌ واز ئه‌كريه‌ن.