هــــه‌واڵ عــیراق
كورده‌يل فه‌يلى هاوپه‌يمانى ئه‌را به‌شدارێ هه‌ڵوژاردن دامه‌زرانن

كورده‌يل فه‌يلى هاوپه‌يمانى ئه‌را به‌شدارێ هه‌ڵوژاردن دامه‌زرانن


شه‌فه‌ق نيوز/ له‌ به‌غداى پايته‌خت ئاشكراى دامه‌زرانن "هاوپه‌يمانى فه‌يلى عراقى" دامه‌زريا ئه‌را به‌شدارى له‌ هه‌ڵوژاردنه‌يل ئاينده‌ى په‌رله‌مانى.

 

له‌ى باوه‌ته‌و، محه‌مه‌د سه‌عيد نوعمانى سه‌رۆك كۆنگره‌ێ گشتى كورده‌يل فه‌يلى له‌ كۆنگره‌يگ رووژنامه‌نويسى له‌ به‌غدا، وت: ئى هاوپه‌يمانيه‌ كار له‌بان يه‌كخستن كۆمه‌ڵگاى فه‌يلى ئه‌كا وه‌ل به‌شداريكردن له‌ هه‌ڵوژاردنه‌يل په‌رله‌مانى و ناوچه‌يى.

 

نوعمانى ئى هاوپه‌يمانيه‌ له‌ ليسته‌يل گه‌وراى هه‌ڵوژاردن دوير نه‌خست ك له‌باره‌يه‌و وت: جوور نزيكه‌يگ وژدانيه‌ وه‌ل پيكهاته‌ێ كورد فه‌يلى.

 

جى باسه‌، حه‌يده‌ر هوشام فه‌يلى وه‌ سه‌رۆك ئى هاوپه‌يمانيه‌ دامه‌زرياو حه‌يده‌ر قوتبى وه‌ قسه‌كه‌ر وه‌ناو هاوپه‌يمانيه‌گه‌و هه‌ر يه‌ك له‌ "كۆنگره‌ى گشتى كورده‌يل فه‌يلى" و "حزب گفتگوو فه‌يلى" و بڕيگ له‌ كه‌سايه‌تيه‌يل ئه‌شايرى سه‌روه‌خوه‌ى گرته‌ خوه‌ێ.