هــــه‌واڵ عــیراق
پله‌ى گه‌رمى شاريگ ئيرانى قه‌يران كاره‌با له‌ عراق دروس ئه‌كا

پله‌ى گه‌رمى شاريگ ئيرانى قه‌يران كاره‌با له‌ عراق دروس ئه‌كا


شه‌فه‌ق نيوز/ وه‌ڕيه‌وبه‌ر جيوه‌جيكار كومپانياى كاره‌باى خوزستان، ئاشكراى ئه‌وه‌ كرد ك پرووسه‌ى هه‌نارده‌كردن كاره‌با ئه‌را عراق له‌ڕێ پاريزگاى خوزستانه‌و له‌ باشور خوه‌رئاواى ئيران هه‌ڵوه‌شيه‌ێده‌و له‌ئاكام كه‌مى ده‌سه‌وه‌ركردن كاره‌با ئه‌را پاريزگاگه‌.

 

له‌ى باوه‌ته‌و، مه‌حمود ده‌شت بزورگ له‌ لێدوانيگ ك شه‌فه‌ق نيوز ئاگادارى بوێ وت: وه‌گووره‌ى هه‌نارده‌كردن كاره‌باى عراق، بڕ ئه‌و كاره‌با ره‌سيه‌سه‌ ئاستيگ ك كاريگه‌رى دروسكردگه‌ له‌بان پاريزگاى خوستان و هه‌ر وه‌و خاتريشه‌ ئه‌و پرووسه‌ى هه‌نارده‌كردنه‌ هه‌ڵوه‌شيه‌ێده‌و.

 

جى باسه‌، پاريزگاى خوزستان يه‌كيگه‌ له‌ پاريزگايه‌يل گه‌رم و پله‌ى گه‌رمى له‌تى ره‌سيده‌ 50 پله‌ى سه‌دى له‌ وه‌رز تاوسان ك يه‌يش هه‌وه‌جه‌ وه‌ كاره‌باێ فريه‌يگ ديرێد.