شه‌فه‌ق نيوز/ سه‌رچه‌وه‌يگ ئاگادار سياسى، ئاشكراى ئه‌وه‌ كرد هه‌رسێ سه‌رۆكايه‌تى دانيشتنيگ له‌ قه‌سرولسه‌لام له‌ به‌غداى پايته‌خت ئه‌نجام دانه‌.

سه‌رچه‌وه‌گه‌ ئه‌را شه‌فه‌ق نيوز وت: ئه‌و دانيشتنه‌ له‌ناونى به‌رهه‌م ساڵح سه‌رۆك كۆمار و محه‌مه‌د حه‌لبوسى سه‌رۆك په‌رله‌مان و عادل عه‌بدولمه‌هدى سه‌رۆك وه‌زيره‌يل بويه‌و له‌تى باس له‌ دويا رويداگه‌يل مه‌يدان سياسى له‌ عراق كرياگه‌و له‌وانه‌يش مه‌سه‌له‌ى دامه‌زرانن حكومه‌ت و ئه‌و روێداگه‌يل ك ئه‌نجام دريا له‌ى دوياخره‌ له‌ناو دانيشتن په‌رله‌مان.

جى باسه‌، ئه‌نجومه‌ن نوێنه‌ره‌يل عراقى شكه‌ست هاورد له‌ دانيشتن ده‌نگداين له‌بان وه‌زاره‌ته‌يل به‌تاڵ له‌ حكومه‌ت ئيسه‌ى ناوه‌ندى.