هــــه‌واڵ عــیراق
هيزيگ عراقى و پێشمه‌رگه‌ رێ دياله‌ - كه‌ركوك له‌ داعش پاكه‌و ئه‌كه‌ن

هيزيگ عراقى و پێشمه‌رگه‌ رێ دياله‌ - كه‌ركوك له‌ داعش پاكه‌و ئه‌كه‌ن


شه‌فه‌ق نيوز/ هيزيگ عراقى هاوبه‌ش وه‌ ريككه‌فتن وه‌ل پێشمه‌رگه‌ ده‌سكردنه‌ پاكسازيكردن رييگ ك له‌ى دوياخره‌ ريكخرياگ تيرۆريستى داعش چالاكى له‌تى ئه‌نجام دا.

 

عه‌ميد يه‌حيا ره‌سول قسه‌كه‌ر وه‌ناو ناوه‌ند ره‌سانن ئه‌منى وت: وه‌ سه‌رپه‌رشى و ريككه‌فتن وه‌ل سه‌ركردايه‌تى فه‌رمانده‌يى هاوبه‌ش كه‌رته‌يل سوپاو پۆليس ناوه‌ندى و جواودانه‌وه‌ى گورج و حه‌شد شه‌عبى و پۆليس دياله‌ و سه‌ڵاحه‌دين و وه‌ريككه‌فتن وه‌ل هيزه‌يل پێشمه‌رگه‌ و وه‌پشتگيرى هيزه‌يل ئاسمانى و هيزه‌يل هاوپه‌يمان پروسه‌يگ پاكه‌وكردن ناوچه‌يل خوه‌رهه‌ڵات رێ ناونى دياله‌ - كه‌ركوك ئه‌نجام درياگه‌.

 

جى باسه‌، ئه‌و ناوچه‌يله‌ ك سوپاى عراقى و حه‌شد شه‌عبى زاڵه‌ له‌بانيان دوياى روێداگ 16ى ئوكتۆبه‌ر په‌لاماره‌يليگ فريه‌ له‌لايه‌ن ريكخرياگ داعشه‌و له‌بانيان ئه‌نجام ئه‌گرێد ك روێداگيش كوشيان 8 رفيايه‌گه‌ بوێ له‌ناونى رێ خورماتوو - كه‌ركوك.