ئابوورى
وه‌زير نه‌فت ئيرانى وه‌ سه‌ردانيگ ره‌سيه‌ به‌غدا

وه‌زير نه‌فت ئيرانى وه‌ سه‌ردانيگ ره‌سيه‌ به‌غدا


شه‌فه‌ق نيوز/ بيژه‌ن زه‌نگه‌نه‌ وه‌زير نه‌فت ئيرانى و شانده‌ ياوه‌رگه‌ى ره‌سينه‌ به‌غداى پايته‌خت و له‌لايه‌ن سامر غه‌زبان جيگر سه‌رۆك وه‌زيره‌يل ئه‌را كاروبار وزه‌و وه‌زير نه‌فته‌و پيشوازى له‌لى كريا.

 

له‌ى باوه‌ته‌و، عاسم جيهاج قسه‌كه‌ر وه‌ناو وه‌زاره‌ته‌گه‌ له‌ به‌ياننامه‌گ وت: ئى سه‌ردانه‌ له‌ چوارچێوه‌ى پته‌وكردن په‌يوه‌نديه‌يل دولايه‌نه‌ى ناونى هه‌ردوگ وڵات ئه‌ياد له‌ بوار نه‌فت و وزه‌.

 

جيهاد يه‌يش ده‌رخست ك هه‌ردوگلا دانيشتنيگ ئه‌را تاووتوێكردن باوه‌ته‌يل گرنگ هاوبه‌ش ساز ئه‌كه‌ن و وه‌زير نه‌فت ئيرانييش چه‌ويشى ئه‌كه‌فێده‌ عادل عه‌ه‌بدولمه‌هدى سه‌رۆك وه‌زيره‌يل به‌رهه‌م ساڵح سه‌رۆك كۆمار.