هــــه‌واڵ كــوردى
چه‌كداره‌يليگ چه‌ن پێشمه‌رگه‌يگ له‌ كه‌ركوك زه‌خمدار كردن

چه‌كداره‌يليگ چه‌ن پێشمه‌رگه‌يگ له‌ كه‌ركوك زه‌خمدار كردن


شه‌فه‌ق نيوز/ سه‌رچه‌وه‌يگ  وه‌رپرس ئه‌منى و شايه‌تحاڵه‌يل ئاشكراى ئه‌وه‌ كردن ك چه‌كداره‌يليگ عه‌ره‌ب چه‌ن پێشمه‌رگه‌يگ له‌ هيزه‌يل پێشمه‌رگه‌ى كوردستان له‌پاريزگاى كه‌ركوك زه‌خمدار كردنه‌.

 

ئه‌و سه‌رچه‌وه‌و شايه‌تحاڵه‌يله‌ ك شه‌فه‌ق نيوز ئاگاداريان بوێ وتن: دويه‌سه‌و ديره‌وه‌ختيگ له‌ ناوچه‌ى راپه‌ڕين سه‌ر وه‌ قه‌زاى دبس قسه‌و ده‌مه‌قاڵ له‌ناونى چه‌كداره‌يل عه‌ره‌ب و سێ هاووڵاتى كورد روێداگه‌.

 

هه‌ميش وتن: ئه‌و ناكووكى و ده‌مه‌قاڵه‌ له‌يوا كردگه‌ چه‌كداره‌يل عه‌ره‌ب ته‌قه‌ له‌ هاووڵاتيه‌يل كورد بكه‌ن و زه‌خمداريان بكه‌ن، ئاماژه‌  وه‌يه‌يش كردنه‌ ئه‌و هاووڵاتيه‌يل كورده‌ سه‌ر وه‌ هيزه‌يل پێشمه‌رگه‌و بيتاوان بوينه‌.