هــــه‌واڵ كــوردى
نه‌ينه‌وا يه‌ك مليار دينار ئه‌را ئافره‌ته‌يل قورتاربوى له‌ داعش ته‌رخانكرد

نه‌ينه‌وا يه‌ك مليار دينار ئه‌را ئافره‌ته‌يل قورتاربوى له‌ داعش ته‌رخانكرد


شه‌فه‌ق نيوز/ سيدۆ جه‌تو سه‌رۆك ليست برايه‌تى و وه‌يه‌كه‌وژيان له‌ ئه‌نجومه‌ن پاريزگاى نه‌ينه‌وا ئاشكراى ئه‌وه‌ كرد ك ئه‌نجومه‌نه‌گه‌ په‌سه‌ن بودجه‌گه‌ى كردگه‌و به‌شيگيش له‌لى ئه‌را ناوچه‌يل كيشه‌ له‌سه‌ر داناگه‌و بڕ يه‌ك مليار ديناريش ئه‌را دويه‌ت و ژنه‌يل ئازادكرياگ ژير ده‌سڵات داعش‌ ته‌رخان كردگه‌.

 

جه‌تو له‌ لێدوانيگ رووژنامه‌گه‌رى وت: ئه‌نجومه‌نه‌گه‌ بودجه‌گه‌ى ئمساڵى په‌سه‌ن كردگه‌ ك 51 مليار ديناره‌و بڕيگيش له‌لى ئه‌را ناوچه‌يل كيشه‌ له‌سه‌ر له‌ شه‌نگاڵ تا مه‌خمور ته‌رخان كردگه‌.

 

جى باسه‌، جه‌تو هه‌ميش وت: بڕ يه‌ك مليار ديناريش ئه‌را بودجه‌ى 2017 ئه‌را دويه‌ته‌يل و ژنه‌يل قورتاربوى له‌ژير ده‌سڵات ريكخرياگ ترۆريستى داعش ته‌رخان كردگه‌ تا له‌بانيان دابه‌ش بكريه‌ێد.