هــــه‌واڵ كــوردى
نوێنه‌ريگ كوردستان: مه‌سه‌له‌ێ سه‌روه‌خوه‌يى په‌يشمانى له‌تى نيه‌

نوێنه‌ريگ كوردستان: مه‌سه‌له‌ێ سه‌روه‌خوه‌يى په‌يشمانى له‌تى نيه‌


شه‌فه‌ق نيوز/ مه‌لا ياسين ره‌ئووف نوێنه‌ر نويسينگه‌ێ هه‌رێم كوردستان له‌ قاهيره‌، وت: هه‌رێم وه‌رده‌وام و مكوڕه‌ له‌بان ئه‌نجامداين راپرسێ له‌ 25 ئه‌يلوول وه‌خاتر سه‌روه‌خوه‌يى له‌ عراق.

 

ره‌ئووف له‌ ديمانه‌يگ وه‌ل ماڵپه‌ڕ"ئه‌لبه‌وابه‌ نيوز" مسرى وت: شانديگ ئه‌را به‌غدا كلكرديمنه‌ له‌وه‌ر چاره‌سه‌ر قه‌يران ده‌سميه‌ته‌يل سه‌ربازێ و وه‌ جواو ره‌ته‌وكردن گله‌وخواردن، هه‌ر له‌وه‌ر ئه‌وه‌يش مه‌سه‌له‌ێ راپرسێ په‌شيمانى له‌تى نيه‌.

 

جى باسه‌، ره‌ئووف له‌باره‌ێ داواكارێ ئه‌مريكييش ئه‌را دوياخستن راپرسێ وت: ئيمه‌ داواى ماف خوه‌مان ئه‌كه‌يم له‌ سه‌روه‌خوه‌يى له‌ عراق و ئه‌مريكيه‌يليش باوه‌ڕيان ئه‌وه‌سه‌ مه‌سه‌له‌گه‌ تا راده‌يگ سه‌خته‌و وه‌خته‌گه‌يش نه‌گونجياگه‌ وه‌ بوونه‌ێ جه‌نگ داعش و كيشه‌يل ناوچه‌گه‌.