هــــه‌واڵ كــوردى
پێشمه‌رگه‌ له‌باره‌ێ جموجويل هيزه‌يل عراقى ئاگادار واشنتۆن كرد

پێشمه‌رگه‌ له‌باره‌ێ جموجويل هيزه‌يل عراقى ئاگادار واشنتۆن كرد


شه‌فه‌ق نيوز/ وزاره‌ت پێشمه‌رگه‌ ئاگادار وڵاته‌يل يه‌كگرتگ ئه‌مريكى كرد وه‌ ئه‌وه‌گ هيزه‌يل عراقى له‌ نزيك خه‌ته‌يلێ له‌ هه‌ردوگ پاريزگاێ كه‌ركوك و نه‌ينه‌وا خه‌ريك جموجويلكردنه‌.

 

وزاره‌ته‌گه‌ له‌ به‌ياننامه‌يگ ك(شه‌فه‌ق نيوز)ئاگادارى بوى، وت: سه‌ربه‌ست لزگين بريكار وزاره‌ت پێشمه‌رگه‌ وه‌ل كرين كرۆس باڵوێز ئه‌مريكا له‌ هه‌رێم كورستان له‌باره‌ێ ئه‌و جموجويله‌يل سه‌ربازيه‌ قسه‌ كردگه‌ ك هيزه‌يل سوپا و حه‌شد شه‌عبى ئه‌نجامى ئه‌يه‌ن.

 

جى باسه‌، به‌ياننامه‌گه‌ هه‌ميش وت: لزگين ئاگادار باڵوێز ئه‌مريكى له‌بان جموجويل سوپا و حه‌شد شه‌عبى كردگه‌ له‌ نزيك سه‌نگه‌ره‌يل پێشمه‌رگه‌ له‌ ناوچه‌يل شه‌نگاڵ و باكوور موسڵ و باشوور كه‌ركوك و داوايش له‌ وڵاته‌يل يه‌كگرتگ كردگه‌ رۆڵ خوه‌ى نيشان بيه‌ێد ئه‌را به‌سانن ڕێ له‌وه‌رده‌م ئه‌و جموجويل سه‌ربازيه‌ له‌وه‌ر نواگيرى له‌ كه‌فتنه‌وه‌ى هه‌ر روێداگيگ له‌ناكاو.