هــــه‌واڵ عــیراق
كۆمسيۆن: داعش ده‌سوه‌سه‌ر نزيكه‌ى 300 ژن ومناڵ ئێزيدى كردگه‌

كۆمسيۆن: داعش ده‌سوه‌سه‌ر نزيكه‌ى 300 ژن ومناڵ ئێزيدى كردگه‌


شه‌فه‌ق نيوز/ عه‌لى مێزه‌ر شه‌مه‌رى جيگر سه‌رۆك كۆمسيۆن باڵاى مافه‌يل ئاده‌ميزاد ئاشكراى ئه‌وه‌ كرد ك داعش ده‌سوه‌سه‌ر نزيكه‌ى 300 كه‌س له‌ ژن و مناڵه‌يل ئێزيدى كردگه‌ جوور بارمه‌ته‌ و قه‌ڵغان به‌شه‌رێ له‌ ناوچه‌ى باغۆز سوورى دوياێ په‌لاماريگ كوشنده‌ و زه‌ره‌ده‌يل گه‌ورايگ ك وه‌پى ره‌سيه‌ له‌بان ده‌س هيزه‌يل سورياى ديموكرات.

 

شه‌مه‌رى له‌ به‌ياننامه‌يگ ئه‌را شه‌فه‌ق نيوز وت: وه‌ نگه‌رانيه‌و ئاگاداريم له‌و هه‌واڵه‌يله‌ ك ژنه‌فيمنه‌ێ له‌ سه‌رچه‌وه‌يل و ريكخرياگه‌يل خوه‌يبه‌خشى ك جه‌خت له‌وه‌ ئه‌كه‌ن كار له‌بان په‌يوه‌ندێ ئه‌كه‌ن وه‌ل ده‌سوه‌سه‌ره‌يل له‌وه‌ر دانيشتن وه‌ل چه‌ته‌يل داعش ئه‌را ئازادكردن ئه‌و خيزانه‌يله‌ ك گيريانه‌ وه‌رانوه‌ر پويل فريه‌يگ.

 

شه‌مه‌رێ داوايش له‌ حكومه‌ت و نه‌ته‌وه‌يل يه‌كگرتگ و هيزه‌يل هاوپه‌يمان ناوده‌وڵه‌تى كرد ده‌خاڵه‌ت گورج بكه‌ن وه‌گشت شيوه‌يگ له‌وه‌ر قورتاركردن ئه‌و خيزانه‌يله‌ له‌ ژير ده‌سه‌ڵات ريكخرياگ تيرۆريستى داعش.