هــــه‌واڵ كــوردى
كوردستان: چوارشه‌ممه‌ى ئاينده‌ پشوو نيه‌

كوردستان: چوارشه‌ممه‌ى ئاينده‌ پشوو نيه‌


شه‌فه‌ق نيوز/ سه‌فين دزه‌يى قسه‌كه‌ر وه‌ناو حكومه‌ت هه‌رێم كوردستان، ئاشكراى ئه‌وه‌ كرد له‌ 3 ته‌شرين يه‌كه‌م ئى مانگه‌ پشوو فه‌رمى نيه‌.

 

دزه‌يى له‌ به‌ياننامه‌يگ ك شه‌فه‌ق نيوز ئاگادارێ بوێ، وت: رووژ چوارشه‌ممه‌ ك ريككه‌فت 3ى ته‌شرين يه‌كه‌م/ ئوكتۆبه‌ر 2018 ئه‌كا، پشوو فه‌رميه‌ له‌گشت دام و ده‌زگايه‌يل فه‌رمى له‌ عراق وه‌ بوونه‌ى رووژ نيشتمانى.

 

دزه‌يى هه‌ميش وت: ئه‌نجومه‌ن وه‌زيره‌يل حكومه‌ت ناوه‌ندى بڕيار داگه‌ گشت ساڵيگ ئه‌و رووژه‌ پشوو بدێ له‌ گشت پاريزگايه‌يل عراقى و يه‌يش ده‌رخست ك هه‌رێم كوردستان ئه‌و رووژه‌ وه‌ پشوو نه‌كردگه‌ له‌ گشت ساڵه‌يل گوزه‌يشته‌.

 

جى باسه‌، ئاماژه‌ وه‌يه‌يش ئه‌كريه‌ێد ك عراق له‌ 3ى ته‌شرين يه‌كه‌م 1932 وه‌ فه‌رمى له‌ بريتانيا جياوه‌ بوێ.