هــــه‌واڵ عــیراق
عه‌بدولمه‌هدى فه‌رمان داگرتن ئاڵاى كوردستان دا له‌ كه‌ركوك

عه‌بدولمه‌هدى فه‌رمان داگرتن ئاڵاى كوردستان دا له‌ كه‌ركوك


شه‌فه‌ق نيوز/ عادل عه‌بدولمه‌هدى سه‌رۆك وه‌زيره‌يل عراق فه‌رمان داگرتن ئاڵاى كوردستان دا له‌بان باڵه‌خانه‌يل حزبى له‌ كه‌ركوك دوياى ئه‌وه‌گ يه‌كێتى نيشتمانى كوردستان و لايه‌نگره‌يلێ له‌و شار كيشه‌ له‌سه‌ره‌ به‌رزيه‌و كردن.

 

سه‌رۆكايه‌تى حكومه‌ت له‌ به‌ياننامه‌يگ وت: عه‌بدولمه‌هدى په‌يوه‌ندى وه‌په‌له‌يگ كرده‌سه‌ سه‌رۆك كۆمار وه‌ ئه‌وه‌گ مقه‌يه‌تيكه‌ر ده‌ستوور و بيداره‌ له‌بان زه‌مانه‌ت پابه‌ندبوين وه‌پيه‌وه‌و په‌يوه‌ندييش وه‌ سه‌ركردايه‌تيه‌يل تر جياجيا كردكه‌ ئه‌را داگرتن ئاڵاى كوردستان له‌بان باره‌گايه‌يل حزبى له‌ كه‌ركوك وه‌ ئه‌وه‌گ ئى كاره‌ سه‌رپيچێ ده‌ستووره‌.

 

جى باسه‌، به‌ياننامه‌گه‌ جه‌خت له‌وه‌يش كرد ك ره‌فتار گونجياێ له‌ى باوه‌ته‌و پرسياره‌ له‌ دادگاى باڵاى ناوه‌ندێ له‌بان ده‌ستووريه‌ت ئى گامه‌ وه‌رجه‌ جيوه‌جيكردنى ئه‌گه‌ر بتوايم حورمه‌ت له‌ ده‌ستوور بگريم جوور ئه‌وه‌گ گشتمان ئه‌خوازێم.