هــــه‌واڵ عــیراق
ئه‌نجومه‌ن باڵا داواێ كاراكردن خزمه‌ت سه‌ربازێ ئه‌كا

ئه‌نجومه‌ن باڵا داواێ كاراكردن خزمه‌ت سه‌ربازێ ئه‌كا


شه‌فه‌ق نيوز/ ئه‌نجومه‌ن باڵاێ ئسلامى، داوا له‌ حكومه‌ت كرد ك مه‌سه‌له‌ێ كاراكردن خزمه‌ت وه‌سه‌ربازكردن ئلزامى شيه‌و بكا وه‌و جووره‌گ ك ته‌وافق بدێ وه‌ل رينمايه‌يل مه‌رجه‌ع ئايينى.

 

ئه‌نجومه‌ن باڵاێ ئسلامى له‌ به‌ياننامه‌يگ وه‌ بوونه‌ێ ساڵياد دامه‌زرانن سوپاێ عراقى ئه‌را شه‌فه‌ق نيوز وت: ئه‌وه‌گ هيزه‌يل چه‌مدارمان جيوه‌جيى كرد له‌ سه‌ركه‌فتن بايه‌سه‌ مقه‌يه‌تى له‌لى بكريه‌ێد وه‌ل سوپاسگوزارى له‌ دروسكه‌ره‌يلێ و خه‌ڵاتكردن كاركه‌نده‌يل ده‌زگايه‌يل سه‌ربازێ وه‌ ده‌سه‌وه‌ركردن ريه‌يل سه‌قامگيربوينيان و ده‌سه‌وه‌ركردن شوون نيشته‌جى ئه‌رايان و مقه‌يه‌تيكردن ماف خيزان شه‌هيده‌يل و چه‌وديريكردن گشت مافه‌يليان و داناين پلان و ستراتيجيه‌ت تازه‌ ئه‌را په‌ره‌جاين وه‌ بنيات جوورايه‌تى ده‌زگايه‌يل سه‌ربازى.

 

جى باسه‌، به‌ياننامه‌گه‌ ئاماژه‌ وه‌يه‌يش كرد ده‌زگايه‌يل سه‌ربازى له‌ كاره‌يل سياسى و تايفى و ناوچه‌يى دويره‌و بخريه‌ێد وه‌ل كاراكردن خزمه‌ت سه‌ربازى ئلزامى و ئاماده‌كردن جايه‌ڵ جوانه‌يل ئه‌را روى وه‌ڕوى بوينه‌وه‌ى سه‌ختيه‌يل وه‌تايبه‌ت وه‌ گونجيان وه‌ل رينمايه‌يل مه‌رجه‌ع ئايينى ئه‌را مه‌شقداين جايه‌ڵه‌يل.