هــــه‌واڵ عــیراق
كه‌نده‌ييگ وه‌بنه‌چه‌ك عراقى ئاشكراى تومه‌ته‌يل خوه‌ى كرد له‌ موسڵ

كه‌نده‌ييگ وه‌بنه‌چه‌ك عراقى ئاشكراى تومه‌ته‌يل خوه‌ى كرد له‌ موسڵ


شه‌فه‌ق نيوز/ هاووڵاتييگ كه‌نه‌دى وه‌ بنه‌چه‌ك عراقى دگان وه‌ تاوان خوه‌ى نا، ئه‌ويش له‌ تومه‌تيگ وه‌ ئه‌وه‌گ ده‌سميه‌ت پيشكه‌ش كردگه‌ له‌ پلان په‌مارداين وه‌ سه‌ياره‌يل مينڕيژكرياێ ئه‌را بان بنگه‌ى ئه‌مريكى له‌ موسڵ له‌ ساڵ 2009 ك بويه‌سه‌ هووكار كوشيان 5 سه‌رباز.

 

فاروق خه‌ليل محه‌مه‌د عيسا (50 ساڵان) له‌ يه‌كيگ له‌ به‌نده‌يل تومه‌تباركردن دگان وه‌ تومه‌ته‌يل خوه‌ى كرد له‌ كوشتن ئه‌مريكيه‌يل و سزاى ئى تومه‌تيشه‌ ره‌سيه‌سه‌ زيندانكردن هه‌تاهه‌تايى، وه‌لێ نوێنه‌ره‌يل داواكارى گشتى رازى بوين له‌بان زيندانيكردنى ئه‌را ماوه‌ى 26 ساڵ وه‌گووره‌ى ريككه‌فتنيگ ئه‌را كه‌مه‌وكردن سزايه‌يل.

 

جى باسه‌، عيسا له‌ عراق هاته‌سه‌ دونياو وه‌بنه‌چه‌ك عراقيه‌و ره‌گه‌زنامه‌ى عراقى و كه‌نه‌دييش ديرێگ، ك له‌ساڵ 2009 پلان دانا ئه‌را شماره‌يگ له‌ تونڕه‌وه‌يل و ته‌قينه‌وه‌يگ خوه‌يكوشى له‌ڕێ ئه‌وه‌و ئه‌نجام دريا ئه‌را بان بنكه‌ى ماريز ئه‌مريكى له‌ موسڵ و په‌نج سه‌رباز له‌ئاكام ئه‌و په‌لاماره‌ كوشيان.