هــــه‌واڵ كــوردى
بريتانيا ئوميد دو چشت كرد له‌ سه‌ركه‌فتن پارتى له‌ هه‌ڵوژاردنه‌يل هه‌رێم

بريتانيا ئوميد دو چشت كرد له‌ سه‌ركه‌فتن پارتى له‌ هه‌ڵوژاردنه‌يل هه‌رێم


شه‌فه‌ق نيوز/ جون ويلكس باڵيۆز بريتانى له‌ عراق، ئوميد ئه‌وه‌ ده‌رخست ك سه‌ركه‌فتن پارت ديموكرات كوردستان له‌ پله‌ى يه‌كه‌م له‌ هه‌ڵوژاردنه‌يل په‌رله‌مانى له‌ هه‌رێم كوردستان هووكاريگ بدێ له‌ پيشكه‌فتن هه‌رێم و بته‌وكردن بنه‌مايه‌يل ديموكراسى له‌تى.

 

نويسينگه‌ى ره‌سانن سه‌رۆك پارت ديموكرات كوردستان له‌ به‌ياننامه‌يگ وت: مه‌سعود بارزانى له‌ هه‌وارگه‌ى سه‌ڵاحه‌دين چه‌وێ كه‌فته‌سه‌ ويلكس و شانده‌ ياوه‌ره‌گه‌ى و له‌و ديداره‌ باڵيۆز بريتانى پيرووزبايى سه‌ركه‌فتن پرووسه‌ى هه‌ڵوژاردن و سه‌ركه‌فتن كوتله‌ى پارت ديموكرات كوردستان له‌ بارزانى كردگه‌.

 

به‌ياننامه‌گه‌ يه‌يش ده‌رخست ك باليۆز بريتانى ئوميد ئه‌وه‌يش كردگه‌ سه‌ركه‌فتن پارتى هووكاريگ بدێ ئه‌را پيشخستن هه‌رێم كوردستان و بتوكردن بنه‌مايه‌يل ديموكراسى و ئاماژه‌ وه‌يه‌يش كردگه‌ ك وڵاته‌گه‌يشى مه‌يل په‌ره‌داين وه‌ په‌يوه‌نديه‌يل ديرێد له‌ بوار ئابوورى و روێ وه‌ڕوێ بوينه‌وه‌ى گه‌ناته‌كارى و تيرۆر.