هــــه‌واڵ عــیراق
كه‌ريم له‌ باره‌ێ راپرسێ و ژيان هاوبه‌ش دڵنيايى دا مه‌ردم كه‌ركوك

كه‌ريم له‌ باره‌ێ راپرسێ و ژيان هاوبه‌ش دڵنيايى دا مه‌ردم كه‌ركوك


شه‌فه‌ق نيوز/ نه‌جمه‌دين كه‌ريم پاريزگار كه‌ركوك دڵنيايى دا مه‌ردم پاريزگاگه‌ وه‌ ئه‌وه‌گ راپرسێ ك برياره‌ له‌ 25 ئى مانگه‌ ئه‌نجام بگرێد وه‌ ريككه‌فت وه‌ل هه‌رێم كوردستان كاريگه‌رێ خراو له‌بان ژيان هاوبه‌ش له‌ پاريزگاگه‌ نه‌يرێد.

 

كه‌ريم له‌ به‌ياننامه‌يگ له‌ وه‌خت سه‌رۆكايه‌تيكردن دانيشتنيگ وه‌ل سه‌رۆك ده‌زگايه‌يل خزمه‌تگوزارى وت: مه‌سه‌له‌ێ راپرسێ هويچ كاريگه‌رێ خراويگ نه‌يرێد له‌بان ژيان هاوبه‌ش ره‌سه‌ن له‌ناونى مه‌ردم كه‌ركوك.

 

جى باسه‌، به‌ياننامه‌گه‌ باس له‌وه‌يش كرد ك ژيان هاوبه‌ش و ئاشتى مه‌ردم كه‌ركوك ك ستوين بنه‌ڕه‌تيه‌ ئه‌را پشتگيرى سه‌قامگيرى و هيزه‌يل ئاسايشى و هه‌ر وه‌و خاتريشه‌ راپرسێ كاريگه‌رێ نه‌يرێد له‌بان رووح برايه‌تى له‌ ناونى كه‌ركوكيه‌يل.