ئابوورى
سزايه‌يل ئه‌مريكا حاڵ نه‌فت ئيران هاورده‌سه‌ ته‌نگ

سزايه‌يل ئه‌مريكا حاڵ نه‌فت ئيران هاورده‌سه‌ ته‌نگ


شه‌فه‌ق نيوز/ كه‌رت نه‌فت ئيرانى له‌ قه‌يرانينگ خنكنه‌ر ژيه‌ێد و سزايه‌يل ئه‌مريكييش ك چه‌سپيا له‌بان ته‌هران كاريگه‌رى خراو كرده‌سه‌ بان كه‌شتيه‌يل جيوازكه‌ر نه‌فتيى ك له‌بنه‌ڕه‌ته‌و هيلاك بويه‌و پيكهاتنه‌ له‌ 50 كه‌شتيى جيوازكه‌ر ك ئيران هه‌وه‌جه‌يان ئه‌كا ئه‌را جيوازكردن نه‌فته‌گه‌ێ.

 

وه‌گووره‌ى ئاماره‌يل تازه‌يگ ئه‌وه‌ ده‌ركه‌فت ك په‌نج يه‌كى له‌و كه‌شتيه‌يله‌ وه‌كار ئه‌يه‌ريه‌ێد، ئه‌ويش له‌وه‌ر ئه‌وه‌گ 16 له‌و كه‌شتيه‌يله‌ ته‌مه‌نيان له‌ 19 ساڵ زياتره‌و 3 كه‌شتييش له‌ساڵ 1996 تائيسه‌ خرياسه‌ خزمه‌ت و يه‌كيگيش ژيرئاو بويه‌ له‌ كناراوه‌يل چين له‌ ساڵ گوزه‌يشت دوياى كيشاننى وه‌ كه‌شتييگ تر.

 

وه‌ل ئه‌وه‌يشا وه‌لاى كه‌مه‌و 5 كه‌شتييش له‌ جه‌م 8 كه‌شتى ته‌جميد كريانه‌ له‌ ڕێ تووڕ يۆنانى له‌ چوارچێوه‌ى سزايه‌يل وه‌رين، ك يه‌يش ماناى ئه‌وه‌سه‌ ئيران له‌ قه‌يرانيگ راسكانى ژيه‌ێد ئه‌را خه‌زنكردن ئه‌و نه‌فته‌ ك ئه‌يه‌رێده‌ێ به‌رهه‌م و زياتر له‌وه‌يش ئه‌وه‌سه‌ ك سزايه‌يل ئه‌مريكى تووڕ يۆنانى ك ده‌سميه‌ت ته‌هرانن دياد له‌ سه‌ندن نه‌فت خسته‌ ليست سيه‌.