هــــه‌واڵ عــیراق
عراق جواو "هيومن رايتس" داره‌و له‌باره‌ى گرتن1200 كه‌س

عراق جواو "هيومن رايتس" داره‌و له‌باره‌ى گرتن1200 كه‌س


شه‌فه‌ق نيوز/ وزاره‌ت ناوخوه‌يى عراقى جواو راپۆرته‌گه‌ى ريكخرياگ هيومن رايتس وۆتش داره‌و له‌باره‌ى ده‌سگيركردن سه‌دان كه‌س له‌ زيندانه‌يل وه‌ختى له‌ باشوور موسڵ.

 

وزاره‌ت ناوخوه‌يى له‌ به‌ياننامه‌يگ ئه‌را(شه‌فه‌ق نيوز)وت: وزاره‌ته‌گه‌ لايه‌نيگ جيوه‌جيكار وه‌رپرسه‌ له‌بان دركردن فه‌رمان ده‌سگيركردن ك له‌لايه‌ن ده‌سڵات دادوه‌ريه‌و ده‌رئه‌چێد و وه‌حوكم وه‌زيفى جيوه‌جيكردن ئه‌وه‌سه‌ ك ناوخوه‌يى ئيچنه‌ فه‌رمانه‌يليگ جيوه‌جى ئه‌كا تا وه‌ختيگ ڕى وشوونه‌يل سه‌ره‌تايى په‌يجوورى ته‌مام ئه‌دێ و تومه‌تباره‌گه‌ هه‌واڵه‌ى لايه‌نه‌يل په‌يوه‌نديدار ئه‌كريه‌ێد وه‌گووره‌ى ياسا.

 

جى باسه‌، رايتش ووتش له‌ راپۆرتيگى باس له‌وه‌ كرد ك وزاره‌ت ناوخوه‌يى عراقى فيشتر له‌ 1200 كه‌س ده‌سوه‌سه‌ر كردگه‌ و له‌ناونيانيش مێرد مناڵه‌يليگ وه‌ تومه‌ت ئه‌وه‌گ سه‌ر وه‌ ريكخرياگ داعشن.