هــــه‌واڵ عــیراق
هۆڵه‌ندا ته‌ياره‌يل جه‌نگيى له‌ عراق ئه‌كيشێده‌و

هۆڵه‌ندا ته‌ياره‌يل جه‌نگيى له‌ عراق ئه‌كيشێده‌و


شه‌فه‌ق نيوز/ حكومه‌ت هۆڵه‌ندى ئاشكراى ئه‌وه‌ كرد ته‌ياره‌يل جه‌نگيى له‌شيواز "ئێف 16"ى ك به‌شدارى هه‌ڵمه‌ته‌يل بوردمانكردن كردن دژ ريكخرياگ تيرۆريستى داعش له‌ عراق و سوريا، له‌ كووتايى ئمساڵ ئه‌كيشيده‌يانه‌و.

 

حكومه‌ت هۆڵه‌ندى له‌ به‌ياننامه‌يگ ك شه‌فه‌ق نيوز ئاگادارى بوى، وت: حكومه‌ت بڕيار داگه‌ وه‌كارهاوردن ته‌ياره‌يل ئێف 16ى دريژه‌و نه‌كريه‌ێد له‌ جه‌نگ دژ ريكخرياگ داعش ئه‌را دوياى 31 سبته‌مبه‌ر.

 

حكومه‌ت هۆڵه‌ندى يه‌يش ده‌رخست ك به‌شدارى هيزه‌يلى له‌ عراق له‌ جه‌نگ دژ ريكخرياگ داعشه‌و جيواز ئه‌دێ ئه‌را پته‌وكردن ئه‌من له‌ عراق تا مه‌ردم بتويه‌نن وه‌ ئه‌مان بانه‌و ئه‌را ناو ماڵ و ناوچه‌يل خوه‌يان و وه‌رده‌وامى بيه‌نه‌ ژيان.