هــــه‌واڵ كــوردى
پارتى شماردنه‌وه‌ى ده‌نگه‌يل له‌ هه‌ولێر ئاشكرا ئه‌كاو رازيه‌ وه‌ هه‌ر ئاكاميگى

پارتى شماردنه‌وه‌ى ده‌نگه‌يل له‌ هه‌ولێر ئاشكرا ئه‌كاو رازيه‌ وه‌ هه‌ر ئاكاميگى


شه‌فه‌ق نيوز/ خه‌سره‌و گۆران وه‌رپرس ده‌زگاى هه‌ڵوژاردنه‌يل له‌ پارت ديموكرات كوردستان، ئاشكراى ئه‌وه‌ كرد ك وه‌كيله‌يل حزبه‌گه‌ى وه‌ هويچ شيوه‌يگ چه‌وديرى پرووسه‌ى شماردنه‌وه‌ى ده‌نگه‌يل له‌ سلێمانى وڵ ناكه‌ن تاوه‌خت كووتاييهاتن چه‌وديرێ و باس له‌وه‌يش كرد وه‌كيله‌يل حزبه‌گه‌ى وه‌رده‌وامن له‌ ئه‌نجامداين ئه‌ركه‌يليان له‌ چه‌وديريكردن پڕ ده‌قت شماردنه‌وه‌ى وه‌ده‌س ده‌نگه‌يل له‌ مه‌رزه‌يل پاريزگاى سلێمانى.

 

گۆران له‌ لێدوانيگ رووژنامه‌گه‌رى ك شه‌فه‌ق نيوز ئاگادارێ بوى، وت: ئه‌گه‌ر شماردنه‌وه‌ى ده‌نگه‌يل له‌ سلێمانى ته‌واو بدێ، ئه‌وه‌ له‌ سوو چوارشه‌ممه‌وه‌ له‌ پارێزگاى هه‌ولێر ده‌س وه‌و پرووسه‌ى جياكردن و شماردنه‌ ئه‌كريه‌ێد له‌ 214 سه‌ندووق و باس له‌وه‌يش كرد ك 330 سه‌ندووقيش له‌ پاريزگاى دهۆك چه‌وه‌ڕێ جياكردنه‌وه‌و شماردنه‌وه‌ى وه‌ده‌س ئه‌كه‌ن.

 

جى باسه‌، گۆران ئاماژه‌ وه‌يه‌يش كرد ك حزبه‌گه‌ى لايه‌نگرى بڕيار دادگاى ئه‌كا ئه‌را جياكردنه‌وه‌و شماردنه‌وه‌ى ده‌نگه‌يل وه‌ده‌س و رازييشه‌ وه‌ هه‌ر ئاكاميگ له‌و پرووسه‌ بكه‌فێده‌و.