وه‌رپرسيگ كورد له‌باره‌ى جموجويل داعش له دو ناوچه وشدارى دا
هــــه‌واڵ عــیراق
وه‌رپرسيگ كورد له‌باره‌ى جموجويل داعش له دو ناوچه وشدارى دا
شه‌فه‌ق نيوز/ سه‌رچه‌وه‌يگ وه‌رپرس ناوچه‌يى كورد، باس كرد و وت: ئه‌و جموجويله‌يله ك ريكخرياگ تيرۆريستى داعش ئه‌نجاميان ئه‌ياد له ناوچه‌يل به‌عاج و جزيره مه‌ترسى گه‌ورايگ ديرێد له‌بان گشت ناوچه‌گه وه‌تايبه‌ت له‌بان قه‌زاى شه‌نگاڵ.
له‌ى باوه‌ته‌و، نايف سيدۆ وه‌ڕيه‌وبه‌ر ناحيه‌ى سنونى، له لێدوانيگ رووژنامه‌گه‌رێ وت: داعش له ناوچه‌يل به‌عاج و جزيره وجوود ديرێد ك ئه‌و هه‌ردوگ ناوچه له‌ڕوێ جوگرافيه‌و نزيكن له شه‌نگاڵ و ئاماژه وه‌يه‌يش كرد بڕيگ خيزانيش روێ له كويه‌ى شه‌نگاڵ كردنه له‌ترس ئى بارودوخه.
جى باسه، سيدۆ هه‌ميش وت: ئيسه داعش مه‌شق چالاكيه‌يلێ ئه‌كا له‌و ناوچه‌يله‌و بايه‌سه له‌بان ئێزيديه‌يل هووشيار بوون و متمانه وه هيزه‌يل ئه‌منى له ناوچه‌گه نه‌ياشتوون، چوينكه ئه‌و هيزه‌يل ئه‌منيه رووژيگ هه‌ن رووژه‌يليگ نيين.
تاگ :
