هــــه‌واڵ كــوردى
يه‌كێتى نيشتمانى جواو گۆڕان داره‌و له‌باره‌ى ئاكامه‌يل هه‌ڵوژاردن له‌ سلێمانى

يه‌كێتى نيشتمانى جواو گۆڕان داره‌و له‌باره‌ى ئاكامه‌يل هه‌ڵوژاردن له‌ سلێمانى


شه‌فه‌ق نيوز/ قسه‌كه‌ر وه‌ناو ده‌زگاى هه‌ڵوژاردنه‌يل يه‌كێتى نيشتمانى كوردستان ئاشكراى هاوشيوه‌يى ئاكامه‌يل جياكردنه‌وه‌و شماردنه‌وه‌ى ده‌سى ده‌نگه‌يل ده‌نگده‌ره‌يل كرد له‌ سلێمانى.

 

له‌ى باوه‌ته‌و، بريار ره‌شيد وت: ده‌نگه‌يل يه‌كێتى نيشتمانى كوردستان هويچ جياوازييگ ناته‌سه‌ بانى و ئاكامه‌يل جياكردنه‌وه‌و شماردنه‌وه‌ى ده‌سى ده‌نگه‌يل هاوشيوه‌ بويه‌ وه‌ل شماردنه‌وه‌ى ئه‌لكترۆنى له‌ سلێمانى.

 

ره‌شيد هه‌ميش وت: ئه‌و سه‌ندووقه‌يله‌ ك شماردن ده‌سى ئه‌رايان كرياگه‌ له‌ سلێمانى هويچ كيشه‌يگ له‌تيان نه‌ويه‌ ته‌نيا بڕيگ سه‌ندووق كليله‌ييان شكياوێد سكاڵا له‌باره‌يانه‌و به‌رزه‌و كرياگه‌. يه‌يش له‌ وه‌ختيگ ك بزووتنه‌وه‌ى گۆڕان باس له‌ جياوازى فريه‌يگ له‌ شماردنه‌وه‌ى ده‌نگه‌يل كرد و له‌تى ليسته‌گه‌ى خوه‌ى وه‌ براوه‌ى يه‌كه‌م تاريف كرد له‌ سلێمانى.