هــــه‌واڵ كــوردى
سه‌دان جايه‌ڵ ئێزيدى له‌ چگن وه‌ره‌و په‌رسگاى "لالش" بيبه‌ش كريان

سه‌دان جايه‌ڵ ئێزيدى له‌ چگن وه‌ره‌و په‌رسگاى "لالش" بيبه‌ش كريان


شه‌فه‌ق نيوز/ كورده‌يل ئێزيدى ده‌سكردنه‌ ئه‌نجامداين يه‌كه‌م رووژ جه‌ژن(جما)ى ئێزيدى ك ئه‌را ماوه‌ى هه‌فت رووژ وه‌رده‌وامه‌، وه‌لێ رينمايه‌يليگ ك له‌لايه‌ن ئه‌نجومه‌ن روحانى ده‌رچيه‌ سه‌دان جايه‌ڵ له‌ چگن ئه‌را په‌رسگاى لالش بيبه‌ش كرد.

 

وه‌گووره‌ى ئه‌و رينمايه‌يله‌ ك له‌لايه‌ن ئه‌نجومه‌ن روحانيه‌و ده‌رچيه‌ ئه‌را ئمساڵ، سه‌دان جايه‌ڵ عازه‌و له‌ژير ته‌مه‌ن 26 ماف ئه‌وه‌ نه‌يرن بچن ئه‌را ئه‌و په‌رسگاو ئه‌و كه‌سه‌يليشه‌ دڵنگ كه‌و له‌وه‌ر ئه‌كه‌ن ئه‌وانيش ماف ئه‌وه‌ نه‌يرن بچن وه‌ره‌و په‌رسگاگه‌.

 

له‌ى باوه‌تيشه‌و، خه‌يرى بوزانى وه‌ڕيه‌وبه‌ر كاروبار ئێزيدى له‌ وه‌زاره‌ت ئه‌وقاف و كاروبار ئايينى له‌ حكومه‌ت هه‌رێم كوردستان، وت: جايه‌ڵه‌يل عازه‌و و ته‌مه‌ن بويچگ له‌ بوونه‌يل وه‌رين ره‌فتاره‌يليگ ناشايسته‌ كرديان و بڕيگ له‌ليان قليان وه‌ل خوه‌يان هاورديان ئه‌را ناوچه‌ى په‌رسگا، هه‌ر وه‌و خاتريشه‌ ئه‌نجومه‌ن روحانى رينمايى له‌و باوه‌ته‌و ده‌ركرد ئه‌را نواگيرى له‌وانه‌و نايلێد روێ له‌و په‌رسگا بكه‌ن.