هــــه‌واڵ عــیراق
په‌لاماره‌يل حه‌ويجه‌ چيه‌ قوناغ تازه‌يگ

په‌لاماره‌يل حه‌ويجه‌ چيه‌ قوناغ تازه‌يگ


شه‌فه‌ق نيوز/ فه‌ريق رائد جه‌وده‌ت سه‌ركرده‌ى پۆليس ناوه‌ندى ئاشكراى ئه‌وه‌ كرد ك قوناغ سێيه‌م له‌ په‌لاماره‌يل ئازادكردن حه‌ويجه‌ ده‌س وه‌پيكردگه‌ وه‌ پشتگيرى بورمانكردن مووشه‌كى و تانكه‌يل ئه‌را بان باره‌گايه‌يل داعش له‌ حه‌ويجه‌.

 

فه‌ريق جه‌وده‌ت له‌ به‌ياننامه‌يگ وت: پۆليس ناوه‌ندى وه‌ كه‌رته‌يليگ له‌ مفاوير و نوخبه‌ و تيم ئالى و ليوايه‌يل قه‌ناس و ته‌ياره‌يل بى ته‌ياره‌وان وه‌ پشتگيرى هيزه‌يل حه‌شد شه‌عبى له‌ ناوچه‌ى ئه‌لته‌مه‌ركز ده‌سكردنه‌سه‌ په‌لاماره‌يل تازه‌يگ ك ئه‌كه‌فيده‌ دويرى 9كم له‌ باكوور خوه‌رئاواى حه‌ويجه‌.

 

جى باسه‌، فه‌ريق جه‌ودت هه‌ميش وت: هيزه‌يل پۆليس ناوه‌ندى جموجويليش كردگه‌ وه‌ره‌و ئه‌و شوونه‌يله‌ ك ئه‌خوازيد بگريده‌يانه‌ ئامانج و هه‌وڵ هاوردنه‌وه‌ى 7 ناوچه‌ێ سه‌ره‌كى ئه‌يه‌ن له‌ قه‌زاگه‌.