هــــه‌واڵ كــوردى
واشنتۆن پشتگيرى پێشمه‌رگه‌ ئه‌كا و بارزانى هه‌ڵوه‌شاننه‌وه‌ى ده‌نگ تايبه‌ت ره‌ته‌و كرد

واشنتۆن پشتگيرى پێشمه‌رگه‌ ئه‌كا و بارزانى هه‌ڵوه‌شاننه‌وه‌ى ده‌نگ تايبه‌ت ره‌ته‌و كرد


شه‌فه‌ق نيوز/ مه‌سرور بارزانى راوێژكار ئه‌نجومه‌ن ئاسايش هه‌رێم كوردستان، هه‌وڵه‌يل هه‌ڵوه‌شاننه‌وه‌ى ده‌نگداين تايبه‌ت له‌ كوردستان ره‌ته‌و كرد و ئه‌و گامه‌ وه‌ هه‌وڵێگ سياسى دژ كوردستان تاريف كرد.

 

بارزانى وه‌ل جه‌نراڵ برادلى بيكه‌ر وه‌رپرس نويسينگه‌ى ريكخستن ئه‌منى باڵوێزخانه‌ى ئه‌مريكى له‌ عراق ك سه‌ردان كوردستان كرد وه‌ بوونه‌ى كوتاييهاتن ئه‌ركه‌گه‌ى و ئه‌را ئاشناكردن جه‌نراڵ شون جينيكيس وه‌ل لايه‌نه‌يل په‌يوه‌نديدار له‌ هه‌رێم كوردستان باس له‌ به‌رنامه‌ى دريژ ماوه‌ كرد ك په‌يوه‌سه‌ وه‌ مه‌شق و ئاماده‌كردن و دابينكردن هه‌وه‌وجه‌يل سه‌ربازێ ئه‌را هيزه‌يل پێشمه‌رگه‌.

 

بارزانى له‌باره‌ى ياساى ئه‌نجومه‌ن نوێنه‌ره‌يل عراقييش له‌ مه‌سه‌له‌ى ئاكام هه‌ڵوژاردنه‌يل وت: هه‌رێم كوردستان رێ له‌ ئه‌نجامداين ژماردن و جياكردنه‌وه‌ى ده‌نگ ده‌نگده‌ره‌يل وه‌ ده‌س ناگرێد، وه‌لێ له‌ هه‌مان وه‌خت هه‌ڵوه‌شاننه‌وه‌ى ده‌نگه‌يل تايبه‌تيش له‌ كوردستان ره‌ته‌و كرد و ئه‌و گامه‌ وه‌ هه‌وڵێگ سياسى دژ كوردستان تاريف كرد.