هــــه‌واڵ كــوردى
بارزانى بڕگه‌يگ سه‌ره‌كى له‌ وه‌ره‌قه‌ى شاند حزبه‌يل سه‌ره‌كى ئاشكرا كرد

بارزانى بڕگه‌يگ سه‌ره‌كى له‌ وه‌ره‌قه‌ى شاند حزبه‌يل سه‌ره‌كى ئاشكرا كرد


شه‌فه‌ق نيوز/ نێچيروان بارزانى سه‌رۆك وه‌زيره‌يل هه‌رێم كوردستان، ئاشكراى ئه‌وه‌ كرد ك له‌چوارچێوه‌ى بڕگه‌يل سه‌ره‌كى وه‌رقه‌ى گفتگووه‌يل ك شاند هه‌ردوگ حزبه‌ سه‌ره‌كيه‌گه‌ (پارت ديموكرات كوردستان و يه‌كێتى نيشتمانى كوردستان) ها پييان وه‌ره‌و به‌غدا ئه‌را دامه‌زرانن حكومه‌ت ئاينده‌، ئه‌ويش قه‌ره‌بووكردن كه‌س وكار ئه‌نفالكرياگه‌يله‌ ك له‌بان ده‌س رژيم به‌عس ئه‌نفال كريان.

 

بارزانى له‌ وته‌يگى وه‌ بوونه‌ى سييه‌مين ساڵياد پرووسه‌يل ئه‌نفال له‌ ناوچه‌ى يادينان له‌ دهۆك وت: په‌نج فه‌يله‌ق له‌ سوپاى وه‌رين عراقى دڕندانه‌ترين تاوانيگ له‌و ناوچه‌يله‌ ئه‌نجام دانه‌و گشت ئه‌و ناوچه‌يله‌ گرته‌ ئامانج ك ئێزيديه‌يل و مه‌سيحى و موسڵمانه‌يل له‌ كورد له‌تيان نيشته‌جێ بوێ.

 

بارزانى باس له‌وه‌يش كرد سوپاى عراق كرده‌وه‌يل له‌ناوبردن وه‌جه‌م له‌ ناوچه‌يل بادينان ئه‌نجام دا و له‌تى چه‌ك كيمياوى له‌ 70 ناوچه‌ هاورده‌ كار و 620 ئاوايى ويران كرد و 25 هه‌زار خيزان له‌ ماڵه‌يل خوه‌يان ده‌روه‌ده‌ر كرد ئه‌را توركيا و باقى ناوچه‌يل تر له‌ هه‌رێم كوردستان.

 

بارزانى باسيش له‌ كاره‌يل كووچ وه‌پكردن و ئاواره‌كردن و كوشتن كورده‌يل فه‌يلى و بارزانيه‌يليش كرد وه‌ل بوردمانكردن شار هه‌ڵه‌بجه‌ وه‌ كيمياوى و پرووسه‌يل ئه‌نفال له‌ بادينان و گه‌رميان و دوياخريش له‌ناوبردن وه‌جه‌م كورده‌يل ئێزيدى له‌بان ده‌س ريكخرياگ تيرۆريستى داعش.

 

جى باسه‌، بارزانى هه‌ميش وت: عراق پابه‌نده‌ وه‌ قه‌ره‌بووكردن كه‌س وكار ئه‌نفالكرياگه‌يل كورد و داواى كاراكردن بڕيار دادگاى ناوه‌ندييش كرد وه‌ ئه‌وه‌گ ئه‌و تاوانه‌يل تاوانه‌يليگ له‌ناوبردن وه‌جه‌مه‌.