هــــه‌واڵ كــوردى
كوردستان ده‌سكرده‌ دابه‌شكردن مووچه‌ێ پێشمه‌رگه‌

كوردستان ده‌سكرده‌ دابه‌شكردن مووچه‌ێ پێشمه‌رگه‌


شه‌فه‌ق نيوز/ وزاره‌ت پێشمه‌رگه‌ له‌ حكومه‌ت هه‌رێم كوردستان، ئاشكراى دابه‌شكردن مووچه‌يل دوياكه‌فتگ ئه‌را به‌شيگ له‌ ليوايه‌يل و فه‌وجه‌يل سه‌ر وه‌ هيزه‌يل پێشمه‌رگه‌.

 

له‌ى باوه‌ته‌و، ليوا قاره‌مان شێخ كه‌مال جيگر سه‌رۆك ئه‌ركان ئه‌را ئۆپه‌راسيۆنه‌يل له‌ وزاره‌ته‌گه‌ له‌ لێدوانيگ رووژنامه‌گه‌رى وت: مانگ گوزه‌يشت مووچه‌ له‌بان به‌شيگ له‌ ليوايه‌يل و فه‌وجه‌يل پێشمه‌رگه‌ دابه‌ش نه‌كرياگه‌ و به‌خشينه‌ى تايبه‌تكردياگ ئه‌مريكييش نه‌ڕه‌سيه‌ هيزه‌يل پێشمه‌رگه‌ له‌ مانگ 10ى ساڵ گوزه‌يشت.

 

شێخ كه‌مال وت: دوياى په‌يوه‌نديكردن وه‌ وزاره‌ت دارايى له‌ هه‌رێم هساو وزاره‌ته‌گه‌ ته‌مويل كرياو دابه‌شكردن مووچه‌يل له‌ ئيسه‌وه‌ ده‌س وه‌پى ئه‌كا.