هــــه‌واڵ عــیراق
كه‌ركوك دامه‌زرانن هيزيگ توركمانى وه‌ پشتگيرى توركيا ره‌ته‌و ئه‌كا

كه‌ركوك دامه‌زرانن هيزيگ توركمانى وه‌ پشتگيرى توركيا ره‌ته‌و ئه‌كا


شه‌فه‌ق نيوز/ ليژنه‌ێ ئاسايشى له‌ پاريزگاێ كه‌ركوك، ئاشكراێ ره‌ته‌وكردن دامه‌زرانن هيزيگ سه‌ربازێ توركمانى پشت وه‌ پشتگيرى توركيا بووه‌سێد و جه‌خت له‌وه‌ كرد ك هاووڵاتيه‌يل كه‌ركوكى وه‌گشت پيكهاته‌يليان له‌لايه‌ن هيزه‌يل پێشمه‌رگه‌و ئاسايش و پۆليسه‌و مقه‌يه‌تى له‌ليان كرياگه‌.

 

نويسينگه‌ێ ره‌سانن و سه‌رۆك ليژنه‌ێ ئاسايشى نه‌جمه‌دين كه‌ريم پاريزگار كه‌ركوك له‌ به‌ياننامه‌يگ وت: ليژنه‌گه‌و ئداره‌ێ كه‌ركوك و هاووڵاتيه‌يل پاريزگاگه‌ وه‌گشت شيوه‌يگ دامه‌زرانن هيزيگ ره‌ته‌و ئه‌كه‌ن ك ده‌وڵه‌ته‌يل هاوسا يا هه‌ر ده‌وڵه‌تيگ تر پشتگيرى له‌لى بكا.

 

جى باسه‌، به‌ياننامه‌گه‌ باس له‌وه‌يش كرد ك وه‌رپرسيارێتى مقه‌يه‌تيكردن گيان و ماڵ و موڵك هاووڵاتيه‌يل پاريزگاگه‌ وه‌گشت پيكهاته‌يليانه‌و كه‌فته‌سه‌ بان هيزه‌يل پێشمه‌رگه‌و پۆليس و ئاسايش ك شه‌و و رووژ وه‌رده‌وامى ئه‌يه‌نه‌ ئه‌ركه‌يليان و قه‌وربانى گه‌ورا ئه‌يه‌ن له‌وه‌ر مقه‌يه‌تيكردن هاووڵاتيه‌يل.