هــــه‌واڵ كــوردى
كومپانيايگ كه‌نه‌دى زياتر له 20 مليۆن دۆلار له‌ كوردستان وه‌رگرت

كومپانيايگ كه‌نه‌دى زياتر له 20 مليۆن دۆلار له‌ كوردستان وه‌رگرت


شه‌فه‌ق نيوز/ كومپانياى شاماران كه‌نه‌دى، ئاشكراى ئه‌وه‌ كرد ك بڕ 20 مليۆن دۆلار له‌ حكومه‌ت هه‌رێم كوردستان وه‌رگرتگه‌ له‌جياى هه‌قده‌س هه‌نارده‌كردن نه‌فت خام له‌ماوه‌ى مانگ حزه‌يران گوزه‌يشت.

 

كۆمپانياگه‌ له‌ به‌ياننامه‌يگ ك شه‌فه‌ق نيوز ئاگادارى بوێ، ئه‌وه‌ ده‌رخست ك بڕ 20 مليۆن و 600 هه‌زار دۆلار له‌ حكومه‌ت هه‌رێم كوردستان وه‌رگرتگه‌، ك 15 مليۆن و 700 هه‌زار له‌لى له‌جياى هه‌نارده‌كردن نه‌فت و 4 مليۆن و 900 هه‌زاريش جوور قه‌ره‌بوو ئه‌را دريژكردنه‌وه‌ى لويله‌يل نه‌فتى له‌وه‌ر هه‌نارده‌كردن ئه‌را لويله‌يل سه‌ره‌كى تايبه‌ت وه‌ هه‌نارده‌كردن نه‌فت هه‌رێم كوردستان.

 

كومپانياى شاماران كه‌نه‌دى كومپانيايگه‌ ئه‌را وه‌به‌رهاوردن نه‌فت و وه‌ل كومپانياى وزه‌ى قه‌ته‌رى به‌شدارى له‌ هه‌نارده‌كردن نه‌فت ئه‌كا له‌ سه‌رچه‌وه‌ێ نه‌فتى ئه‌ترووش ك كاره‌يلێ له‌ 3 ته‌مووز ساڵ 2018 ده‌سوه‌پيكرد.